Tuesday, March 24, 2009

နှင်းပျောက်တဲ့နွေနဲ့ အနုပညာရေစီးကြောင်း

..

.
“နှင်းပျောက်တဲ့နွေ”

၁၉၆၂-ခုနှစ် ဟိုဘက်မှာ ထွက်ပေါ်လာခဲ့တဲ့သီချင်းတပုဒ်ပါ။ ရုပ်ရှင်နောက်ခံတေးတပုဒ်အဖြစ် လူထုပရိသတ်ကြား မှာ ကျော်ကြားတဲ့သီချင်းပါ။ မူရင်းအဆိုကျော် အန်တီမာမာအေး ပြောပြလို့ နှင်းပျောက်တဲ့နွေအကြောင်းကို အခု လို ပြန်လည် တင်ပြခွင့်ရတာပါ။

ရုပ်ရှင်ကားနာမည်က နှင်းပျောက်တဲ့နွေပါ။ ဒါရိုက်တာ သက်လယ်ရဲ့ ရုပ်ရှင်ကားပါ။ စောင်းဆရာအဖြစ် ဗိုလ်ဘကို က သရုပ်ဆောင်တယ်။ စန္ဒယားဆရာ၊ သီချင်းရေးဆရာ ကိုသက်နှင်းအဖြစ် ကိုဝင်ဦး သရုပ်ဆောင်ခဲ့တယ်။ ညီ အစ်မနှစ်ယောက် အစ်မကြီးအဖြစ် တင်တင်မူ၊ ညီမအဖြစ် တင်တင်အေးတို့ သရုပ်ဆောင်ခဲ့တယ်။

စောင်းသမားလေးနဲ့ သဌေးသမီးတဦး ချစ်ခဲ့ကြတယ်။ မိဘ သဘောတူတဲ့သူနဲ့ သဌေးသမီးလေးက လက်ထပ် သွားတယ်။ စောင်းသမားလေးလည်း နီးစပ်ရာတဦးနဲ့ အိမ်ထောင်ကျခဲ့တယ်။ သမီးလေးနှစ်ယောက်ကို ရရှိခဲ့တ တယ်။ ဒီအချိန်မှာ စောင်းသမားလေးက နှင်းပျောက်တဲ့နွေ သီချင်းကို စပ်ဆိုခဲ့တယ်။ ဇနီးသည်က ငယ်ရည်းစား ကို သတိရနေတုန်းမို့ ဒီသီချင်းကို ရေးတာ၊ ဆိုတာလားလို့ စွပ်စွဲရာက မိသားစုလေး ပြိုကွဲသွားရတယ်။

ကလေးငယ်များသာဖြစ်တဲ့ သမီးငယ်က ဖခင်ဖြစ်သူ စောင်းဆရာနဲ့ ကျန်ရစ်တယ်။ သမီးကြီးက မိခင်ဖြစ်သူနဲ့လို က်ပါသွားခဲ့တယ်။ နောင်အခါမှာ မိခင်က ဓာတ်ပြားကုမ္ပဏီထောင်လို့ သမီးကြီးက ဦးစီးခဲ့တယ်။ ကိုသက်နှင်းက ဒီဓာတ်ပြားကုမ္ပဏီမှာ အလုပ် လုပ်တဲ့ စန္ဒယားဆရာ၊ သီချင်းရေးဆရာပါ။ အဆိုတော်ဖြစ်တဲ့ ညီမဖြစ်သူကလည်း ဒီကုမ္ပဏီမှာ သီချင်းလာသွင်းတယ်။ အစ်မဖြစ်သူ အပျိုကြီးက သူ့ညီမဖြစ်နေမှန်း သိသွားတဲ့အခါ စန္ဒယားဆရာ ဂီတမှူးလေးနဲ့မေတ္တာမျှနေတဲ့ သူ့ညီမအဆိုတော်လေးကို ကိုယ်တိုင်လက်ထပ်ပေးလိုက်တယ်။ အစ်မကြီးက အန စ်နာခံလိုက်တဲ့ သဘောပေါ့လေ။

ညီမဖြစ်သူရဲ့ကိုယ်စား ရုပ်ရှင်နောက်ခံတေးကို အန်တီမာမာအေး ဆိုခဲ့ပါတယ်။ နှင်းပျောက်တဲ့နွေအတွက် ဂီတ တီးကွက်ထွင်သူက စောင်းဦးဘသန်းဖြစ်ပါတယ်။ မြန်မာ့စောင်းနဲ့ စတင်တီးမှုတ်ခဲ့တဲ့တေး၊ မြန်မာသံစဉ်တေးစစ် စစ်ဖြစ်ပါတယ်။ ဒီသီချင်းကို ဖန်တီးရေးသားခဲ့သူဟာ ကွယ်လွန်သွားရှာပြီဖြစ်တဲ့ ကိုယ်သက်ဦးပါ။ ရုပ်ရှင်တေးတ ပုဒ်အဖြစ် စောင်းသမားနေရာမှာ ဗိုလ်ဘကိုလည်းဆိုပါသေးတယ်။ မူရင်းအဆိုကျော် အန်တီမာမာအေးကိုယ်တိုင် အပျော်တမ်း ပြန်လည်သီဆိုထားတာလေးကို နားဆင်ကြည့်ပါဦး။
.
http://video.google.com/videoplay?docid=-5306717819443748323
.
“ချစ်သော မောင်မောင်”

ဒီသီချင်းလည်း ရုပ်ရှင်တေးတပုဒ်ဖြစ်ပါတယ်။ ၀င်းဦးရဲ့ ချစ်သောမောင်မောင် ရုပ်ရှင်ကားဝယ် ပဏာမတေးတပုဒ် ဖြစ်ပါတယ်။ မြိုင်မြိုင်ဆိုင်ဆိုင် သွက်သွက်လက်လက် ဖျော်ဖြေထားတဲ့ တေးသွားတွေက သာယာနာပျော်ဖွယ် ကောင်းပါတယ်။ မြန်မာသံစဉ်မဟုတ်တဲ့ တေးတပုဒ်ပါ။

လက်တင်အမေရိကမှ လာတဲ့သီချင်းတပုဒ်ဖြစ်ပါတယ်။ အလင်္ကာကျော်စွာ ရွှေပြည်အေးက မြန်မာမှုဖန်တီးပြီး စာ သားများကို ကိုယ်တိုင်ရေးစပ်ခဲ့တာဖြစ်ပါတယ်။ ဆိုသူက အန်တီမာမာအေးပင်ဖြစ်ပါတယ်။ နားဆင်ကြည့်ပါ။

http://video.google.com/videoplay?docid=-5575070474274761013
.
“သက်တန့်ပေါ်မှာ ကစားမယ်”

သက်တန့်ပေါ်မှာ ကစားမယ်သီချင်း ထွက်ပေါ်ချိန်က ၁၉၅၅-နှစ်ဝန်းကျင်က ဖြစ်ပါတယ်။ ဒီသီချင်းကို အန်တီမာ မာအေးရဲ့ ပထမဆုံးသီချင်းလို့ ထင်ခဲ့မိတယ်။ ဒီအရင်က သီချင်းတွေ ရှိသေးကြောင်းနဲ့ ၁၉၅၁-ခုနှစ်ကတည်းက စ တင်သီချင်းဆိုခဲ့တာဖြစ်ကြောင်း သိခွင့်ရလို့ အမှန်ကို ဖော်ပြနိုင်ပါတယ်။

သီချင်းရေးဆရာ မောင်ဥက္ကာဖြစ်ပြီး တေးသွားဖန်တီးရှင်က လင်းခေးလုလင်ဖြစ်ပါတယ်။ အဲသည်ခေတ်က ကဗျာ ဆရာတွေ သီချင်းရေး လက်တည့်စမ်းပြီး အသံကို ဂီတပညာရှင်များက ရှာဖွေဖန်တီးပေးပါတယ်။ သူတို့တွေကျေး ဇူးကြောင့် ဒီသီချင်းတွေ လူထုကြားထဲ ရောက်လာခဲ့ခြင်းဖြစ်ပါတယ်။

ဆရာလင်းခေးလုလင်ကို အားလုံးသိပြီးသားနေမှာပါ။ လင်းခေးနာမည်ယူထားလို့ ရှမ်းပြည်သားလို့ ထင်ရပါတယ်။ အမှန်က ဆရာလင်းခေးဟာ မြေပြန့်သား ဗမာတဦးဖြစ်ပါတယ်။ ပြောစမှတ်ဖြစ်နေတဲ့ ထမင်းစားရင်း ခြံထဲငရုတ် သီး ဆင်းခူးတာ သုံးနှစ်ကြာသွားတယ်ဆိုတာ ဆရာပဲဖြစ်ပါတယ်။

တကယ်ပဲ ထမင်းစားနေရင်း ခြံထဲငရုတ်သီး ဆင်းခူးစဉ် လမ်းမှာဖြတ်လျှောက်တာတဲ့ သူငယ်ချင်းက ဘူတာကြီး လိုက်ပို့ပေးပါဗျာဆိုလို့ လိုက်ပို့ပေးခဲ့တယ်။ ဘူကြီးရောက်တော့ ရှမ်းပြည်အထိသာ လိုက်ခဲ့ပါတော့ဗျာလို့ အတင်း ဆွဲခေါ်ရာက ရှမ်းပြည်၊ လင်းခေးမြို့သို့ ရောက်ခဲ့ခြင်းပင်ဖြစ်ပါတယ်။ လင်းခေးမှာ နေထိုင်စဉ် ရပ်ရွာအကျိုးများကို သည်ပိုးဆောင်ရွက်ရင်း ၀ါသနာပါသော လူငယ်လေးများကို စုစည်းကာ ဂီတပညာကို သင်ပေးခဲ့သူပါ။ ဒီတုန်းက စိုင်းထီးဆိုင်ဟာ ဆရာလင်းခေးအဖွဲ့က လူငယ်ဝါသနာရှင်တဦးပါ။ သုံးနှစ်ကြာလို့ မြေပြန့်ကိုပြန်တော့ လင်းခေး လုလင်အမည်နဲ့ အန်တီမာမာအေး မိဘများနဲ့အတူ ဇာတ်ပွဲတွေမှာ ပါဝင်တီးမှုတ်ခဲ့တဲ့ ဆရာကြီးပါ။

ဒါကြောင့်မို့ ဆရာလင်းခေးလုလင် အသက်ကြီးလို့ ရှားပါးတဲ့အချိန်မှာ စိုင်းထီးဆိုင်က ဆရာ့ကျေးဇူးကို ကျနော် ပြန်ဆပ်တာပါ ဆရာလို့ ဂါရ၀ပြုပြီး သီချင်းအယ်လ်ဘမ်တခု ထုတ်ခဲ့ပါတယ်။ ရောင်းရသမျှအားလုံးကို သူ့ဆရာ ဖြစ်သူ ဆရာလင်းခေးလုလင်အား ကန်တော့ခဲ့ပါတယ်။ ဆရာ့လက်ရာ ဂီတသံစဉ်များကို ပြန်လည်တီးခတ်ပြီး အန်တီမာမာအေး သီဆိုထားပါတယ်။ နားဆင်ကြည့်ပါဦးဗျာ။
.
http://video.google.com/videoplay?docid=-8222330214139411159
.
.
.
အနုပညာရှင်အချို့၏ ကန့်ကွက်လာမှုကြောင့် ယခင်ဖော်ပြထားသော ဓာတ်ပုံ၊ စာသား၊ အသံဖိုင်များကို ဖြုတ် လိုက်ပါကြောင်း စာဖတ်ပရိသတ်အား လေးစားစွာ အသိပေးအပ်ပါတယ်။ ဒီအတွက် ဥဒါန်းသစ်စာဖတ်ပရိသတ် အား အထူးပဲ မေတ္တာရပ်ခံအပ်ပါတယ်ဗျာ။
.
.
အားလုံးပဲ ပျော်ရွှင်ချမ်းမြေ့ပါစေ။

ကိုသက်

.

Read more...

Friday, March 20, 2009

အနုပညာရိပ်ဝယ်

အနုပညာရှင်အချို့၏ ကန့်ကွက်လာမှုကြောင့် ယခင်ဖော်ပြထားသော ဓာတ်ပုံ၊ စာသား၊ အသံဖိုင်များကို ဖြုတ် လိုက်ပါကြောင်း စာဖတ်ပရိသတ် အား လေးစားစွာ အသိပေးအပ်ပါတယ်။ ဒီအတွက် ဥဒါန်းသစ်စာဖတ်ပရိ သတ်အား အထူးပဲ မေတ္တာရပ်ခံအပ်ပါတယ်ဗျာ။


ကိုသက်



.

http://video.google.com/videoplay?docid=-2643231463234888240
http://video.google.com/videoplay?docid=-6892495043953768507
http://video.google.com/videoplay?docid=2023049781158457150
http://video.google.com/videoplay?docid=-2914716568813541396

Read more...

Monday, March 16, 2009

တပေါင်းပွဲတော်

.
.

ပြည်တွင်းက သဲပုံစေတီပွဲနဲ့ တပေါင်းပွဲပုံရိပ်

.

.
.
ပြည်ပက တပေါင်းပွဲပုံရိပ်များ


သာသည်ညင်းညင်း
မြောက်လေကြွင်းနှင့်
ဆီးနှင်းမကုန်
ပူဟုန်မသည်း
ပျံ့ပျံ့ဖြည်းသား . . .

ရှင်အုန်းညို (အင်းဝစာဆိုကျော်)

အယ်လ်အေ မြန်မာကျောင်းမှာ ကျင်းပခဲ့တဲ့ တပေါင်းပွဲတော်သို့ ရောက်ဖြစ်ခဲ့ပါတယ်။ “တပေါင်း”အသံကို ကြားတော့ အင်းဝခေတ်စာဆိုကျော် ရှင်အုံးညိုကို သတိရမိတယ်။ တပေါင်းရဲ့ သဘာဝရာသီကို လှပစွာဖွဲ့သီခဲ့တဲ့ ရှင်အုန်းညိုရဲ့ကဗျာစာသားများက ယနေ့တိုင် ခေတ်မကုန်နိုင်ဘဲ၊ ရှင်သန်နေဆဲပါ။

ရာသီနှစ်ခုပေါင်းဆုံပြီး ဖြစ်တည်ထားတဲ့ တပေါင်းလရဲ့ ပထမပိုင်း (၁၅) ရက်မှာ ဆောင်းရဲ့နောက်ဆုံးနေ့ရက် များဖြစ်ပြီး ဒုတိယပိုင်း (၁၅) ရက်ဟာ နွေကြိုရက်များပင်ဖြစ်ပါတယ်။ ဆောင်းအကုန် နွေအကူး ထူးခြားတဲ့ရာသီ သဘာဝတခုပင်ဖြစ်ပါတယ်။ တပေါင်းရဲ့ နေ့ခင်းပိုင်းရာသီဟာ အတန်အသင့် ပူသော်လည်း ညပိုင်းမှာ မြောက်ပြန် လေညင်းလို့ ဆောင်းကြွင်းလက်ကျန် ငွေနှင်းတို့ကျနေတတ်ပြန်တယ်။ မပူလွန်း မအေးလွန်းသည်မို့ သာယာလှပ မျှတပြီး အလွန်နေထိုင်၍ ကောင်းတဲ့ ရာသီပင်ဖြစ်ပါတယ်။

ပူပန်ခြင်းကောင်းသောလ၊ ပူသောနွေရာသီသို့ ကျရောက်သောလ၊ ထန်းချက်လ၊ ထန်းရည်ကို ကျို၍ ထန်းလျ က်ချက်သောလ စတဲ့ အဓိပ္ပါယ်ဆိုလိုချက်များမှ တပေါင်းဆိုတဲ့ ဝေါဟာရထွက်ပေါ်လာခဲ့ကြောင်း ပညာရှင်များက ဆိုထားပါတယ်။ တ=ထန်း+ပေါင်း=ချက်သောလ၊ တပေါင်း=ထန်းချက်လဟု ဆိုလိုကြပါတယ်။

တပေါင်းလရဲ့ ထင်းရှားသောပွဲတော်များမှာ သဲပုံစေတီပွဲနဲ့ တပေါင်းပွဲပင်ဖြစ်ပါတယ်။ သဲပုံစေတီပွဲတော်သည် ဗုဒ္ဓသာသနာနဲ့အတူ ပေါ်ထွန်းခဲ့သောပွဲတော်ဟု ယူဆနိုင်ပါတယ်။ ပုဂံခေတ်တွင် အနော်ရထာမင်းကြီးဟာ ဧရာဝ တီမြစ်ကမ်း သဲသောင်ခုံပေါ်တွင် သဲပုံစေတီပွဲကို ပူဇော်ကျင်းပလေ့ရှိပါတယ်။ ရွှေစည်းခုံစေတီမှာ ထင်ရှားသော သာဓက တရပ်ပင်ဖြစ်တယ်။ စည်းခုံ=စဲခုံ=သဲခုံ ဟု သနဲ့စ အက္ခရာများကို အပြောင်းအလဲလုပ်လိုက်လျှင် ရွှေ စည်းခုံစေတီတော်ရဲ့ မူရင်းသမိုင်းအစနဲ့ ပုဂံခေတ်သဲပုံစေတီပွဲအကြောင်းကို မြင်နေရပါတယ်။

တပေါင်းလတွင် မြစ်၊ ချောင်းများ၌် ရေကျသွားသဖြင့် သဲသောင်ခုံများ ပေါ်လာလေ့ရှိပါတယ်။ သဲပေါများ သော ထိုလတွင် ကောင်ပဲသီးနှံ၊ စပါးဆန်သိမ်း၍ ငွေစရွှင်နေတဲ့ တိုင်းသူပြည်သားများဟာ စုပေါင်း၍ သဲပုံစေတီပွဲ တော်ကို ကျင်းပကြပါတယ်။ အလှူဒါနနဲ့ ပျော်ပွဲရွှင်ပွဲများလည်း ပါဝင်ပြုလုပ်ကြပါတယ်။

ဝါးဖြင့်ပြုလုပ်ထားသော ရိုင်ပတ်အ၀န်းအ၀ိုင်းအတွင်းသို့ သဲများကိုသွန်းလောင်းကာ သဲပုံစေတီကို တည်ထား ကိုးကွယ်ကြပါတယ်။ ပထမအဆင့် (အရစ်) ပြီးတဲ့အခါ ဒုတိယအဆင့်၊ တတိယအဆင့်၊ စတုတ္ထအဆင့်နဲ့ ပဉ္စမအ ဆင့်များကို ဆက်လက်တည်ဆောက်ကြပါတယ်။ မြင်းမိုရ်တောင်ရှိ အာလိန်ငါးဆင့်ပုံကို ရည်ညွန်း၍ သဲပုံစေတီ များကို ငါးဆင့်ပြုလုပ်တည်ဆောက်ခြင်းဖြစ်ပါတယ်။

နှစ်ကာလ ကြာမြင့်လာတဲ့အခါ သဲပုံစေတီတော်များကို အုတ်များဖြင့်ငုံ၍ စေတီတော်ကြီးများအဖြစ်တည်ထား ကိုးကွယ်ကြပါတယ်။ စေတီလေးမျိုးကိုးကွယ်မှုသည် ဗုဒ္ဓဘာသာဝင်များအတွက် ကုသိုလ်ရွှေအိုးမြုတ်နှံရာတခု ဖြစ်ကြောင်း ခုဒ္ဒကပါဌပါဠိ၊ နိဓိကဏ္ဍသုတ်မှာ မြတ်ဗုဒ္ဓမိန့်မှာခဲ့ဖူးတယ်။
နောက်ပွဲတော်တခုမှာ တပေါင်းပွဲပင်ဖြစ်ပါတယ်။ သဲပုံစေတီပွဲတော်များ တဖြည်းဖြည်းနဲ့ တိမ်ကောစပြုချိန်မှာ တပေါင်းပွဲတော်အဖြစ် ဘုရားပွဲတော်များကို ကျင်းပလာကြပါတယ်။ မြန်မာနိုင်ငံအရပ်ရပ်တွင် ယနေ့တိုင်ကျင်းပ ပြုလုပ်လျက်ရှိတဲ့ တပေါင်းပွဲတော်များကို စည်ကားစွာ မြင်တွေ့နိုင်ပါတယ်။

တပေါင်းပွဲတော်များထဲတွင် ရွှေတိဂုံစေတီတော် တပေါင်းပွဲတော်ဟာ အစည်ကားဆုံးဟု ဆိုလို့ရပါတယ်။ စာ ရေးသူတို့ ရန်ကုန်ရောက်စမှာ (၅)ရက်တိုင်တိုင် ကျင်းပလေ့ရှိတဲ့ ရွှေတိဂုံစေတီတော် တပေါင်းပွဲတော်ကို နေ့စဉ် လိုလို ရောက်ပါတယ်။ စေတီတော်ကို ပုဆိန်ပေါက် ဦးချပြီး ပျော်ပွဲရွှင်ပွဲတွေဆီ သွားနေတာများပါတယ်။

အစားအစာမျိုးစုံ၊ ပျော်ပွဲမျိုးစုံ၊ ပစ္စည်းမျိုးစုံတို့ ဆုံတဲ့နေရာပါ။ မြန်မာပြည်နယ်အနှံ့က ဘုရားဖူးများနဲ့ အစဉ်အ မြဲ ပြည့်နက်နေတတ်ပါတယ်။ ရင်ပြင်တော်ပေါ်မှာ ဆွမ်းတော်ကြီးတင်၊ ရေသပ္ပါယ်၊ သံဃာတော်များ ပဌာန်းနဲ့ပူ ဇော်၊ ဆွမ်းဆန်စိမ်းလောင်းလှူတာတွေနဲ့ လူက ကြက်ပျံမကျ စည်ကားလှပါတယ်။ ဟိုတုန်းက ရွှေတိဂုံစေတီ တော် တပေါင်းပွဲတော်ရောက်ပြီဆိုရင် မြန်မာနိုင်ငံသားများသာမက ထိုင်း၊ ကမ္ဘောဒီယား၊ လားအို၊ ဂျပန်၊ ကိုရီး ယားစတဲ့ တိုင်းပြည်တွေကပါ ဘုရားလာဖူးတတ်ကြောင်း သိရပါတယ်။ ယနေ့ ရွှေတိဂုံစေတီတော် တပေါင်းပွဲ တော်ကတော့ အရင်နဲ့မတူတော့ပါ။ မြန်မာတွေ ဘ၀အခြေမကောင်းလို့ တပေါင်းပွဲတော်တွေလဲ တိမ်ကောစပြု လာပြီ။ “တပေါင်းသော်ကား၊ ဆံတော်ဒဂုံ၊ တက်ကြတုံ၏၊ ပည်းပုံများဖြင်၊ သဘင်နှစ်ကြောင်း၊ လှေပေါင်းလှည်း က၊ တုပဆင်ယင်၊ မမြင်စဖူး၊ တင့်လွန်ကျူးမျှ၊ စုံပူးမကွာ၊ သို့သောခါသည် ...”လို့ တပေါင်းနဲ့ ရွှေတိဂုံစေတီပွဲ တော်အကြောင်း ဖွဲ့သီခဲ့တဲ့ စာဆိုန၀ဒေးလည်း ထိုင်ငိုလောက်တဲ့အဖြစ်ပေါ့ဗျာ။

တပေါင်းမှာ ကျင်းပတဲ့ ပွဲတော်နှစ်ခုအနက် တခုဖြစ်တဲ့ တပေါင်းပွဲတော်ကို နိုင်ငံတကာရောက် မြန်မာတွေက ဆက်လက်ကျင်းပနေဆဲဖြစ်ပါတယ်။ နိုင်ငံခြားမှာဆိုတော့ ကြီးကျယ်ခမ်းနားစွာ စည်ကားသိုက်မြိုက်စွာ ပျော်ပွဲရွှင် ပွဲမြောက်များစွာတွေနဲ့တော့ မလုပ်နိုင်တော့ဘူးပေါ့လေ။ ရိုးရာယဉ်ကျေးမှုအစဉ်အလာမပျက်အောင်သာ ကျင်းပ ပြုလုပ်ကြတဲ့သဘောပါ။ ဘာပဲဖြစ်ဖြစ် လုပ်နိုင်တာကို လေးစားစရာ ကျေးဇူးတင်စရာကောင်းပါတယ်။

စာရေးသူရောက်ခဲ့တဲ့ အယ်လ်အေမြန်မာကျောင်းမှာ ကျင်းပတဲ့ တပေါင်းပွဲကတော့ ဧည့်သည်တော်တွေကို မုန့်ဟင်းခါးနဲ့ တည်ခင်းဧည့်ခံတယ်။ ဧည့်သည်တော်က ငါးရာလောက် လာမယ်ထင်တယ်။ ကြွရောက်လာကြတဲ့ ဧည့်သည်တော်တွေကလည်း ပွဲတော်အတွက်၊ ကျောင်းအတွက် အလှူငွေများ ထည့်ဝင်လှူဒါန်းသွားကြပါတယ်။
တပေါင်းပွဲတော်ကို စေတနာရှင်များ မတည်၍ ပြုလုပ်ကြကြောင်း သိရပါတယ်။

ဘုရားရှင်အား ဆွမ်းဆက်ကပ်လှူဒါန်းတေယ်။ ဆရာတော်သံဃာတော်များကိုလည်း ဆွမ်းဆက်ကပ်လှူဒါန်း တယ်။ သီလခံယူဆောက်တည်ကြတယ်။ တပေါင်းပွဲတော်မှာ ပြုလုပ်လှူဒါန်းခဲ့သမျှကိုလည်း အမျှပေးဝေ၍ နတ် လူ သာဓုခေါ်စေတယ်။ ပြုလုပ်သင့်သော အားကျစရာကောင်းသော တပေါင်းပွဲပင်ဖြစ်ပါတယ်။

ကိုသက်

Read more...

Friday, March 6, 2009

ကြောက်နေကြမှန်း သိလို့ပါ

.
.
.
.

လူထုကို သွေးခွဲ
ကြိုးဆွဲရာ က နေရ
ကြောက်နေကြမှန်း သိလို့ပါ။

တဗိုလ်တက် တဗိုလ်ဆင်း
နိုင်ထက်စီးနင်းနဲ့ ဗိုလ်ကျ
မိုက်ကြေးခွဲကြတဲ့ သူတို့ဟာ
ကြောက်နေကြမှန်း သိလို့ပါ။

ရက်စက်ကြမ်းကြုတ်
တကယ် လုပ်ပြနေတာ
ကြောက်နေကြမှန်း သိလို့ပါ။

တိုင်းပြည်အမွန်ကို
သွန်လိုသွန် မှောက်လိုမှောက်
ကြောက်နေကြမှန်း သိလို့ပါ။

အဖန်ငါးရာ ငါးကမ္ဘာ ၀ဋ်ကျွေး
သေဘေးနဲ့ ခြောက်သမျှ
တုံးအောက်က ဖားပမာ
ကြောက်နေကြမှန်း သိလို့ပါ။

ကြောက်တာသိလို့ ခြောက်
ခြောက်ခံထိတော့ ပိုကြောက်
ဒူးထောက်လက်မြှောက်တဲ့ နှစ်တွေ
ကျန်ရစ်နေခဲ့ပါပကော။

အနာဂတ်ခရီး တလျှောက်မှာ
မကြောက်တရားတွေ မွေးလို့
သွေးသစ်ကြရအောင် ...

ကိုသက်
March 6, 2009


Read more...

မြန်မာပြည် ငြိမ်းချမ်းရေးအတွက် ဂျပန်ရောက်မြန်မာတွေနဲ့အခုလို ဆုတောင်းပေးခဲ့ကြတယ်

လာလည်သွားကြတယ်

About This Blog

  © Free Blogger Templates Blogger Theme II by Ourblogtemplates.com 2008

Back to TOP