Friday, May 22, 2009

သူခိုးဘေးက ဝေးပါစေ

.
.

မရောက်တာကြာပြီဖြစ်တဲ့ မိတ်ဆွေအိမ်ရောက်သွားတယ်။ မြန်မာပြည်ပြန်မဲ့ သူတို့မိခင်ကြီးထံ လူကြုံပါးချင် လို့ အချိန်မီ သွားလိုက်တယ်။ သူတို့ပြောနေတဲ့ စကားဝိုင်းမှာ ကိုယ်လည်းအဆင်သင့် ၀င်ပြောဖြစ်တယ်။ သူတို့ ပြောနေတဲ့အကြောင်းက သူတို့အိမ်ကို သူခိုးလို့ထင်ရသူ ကပ်တဲ့အကြောင်းပါ။
.
အိမ်တံခါးလာခေါက်လို့ သွားဖွင့်လိုက်တာ လူစိမ်းတဦးဖြစ်နေတယ်လေ။ အိမ်ရှင်တွေနဲ့တွေ့တော့ အိမ်ရှေ့မှာ တပင်လုံးနီးပါး သီးနေတဲ့ စောင်းလျားသီးတွေကို ဒေါ်လာငါးရာဖိုးလောက် ၀ယ်ချင်လို့တဲ့ ပြောလာတယ်။ ရောင်း ဖို့မဟုတ်ပါဘူးရှင်ဆိုတော့ ပြန်ထွက်သွားတယ်။ အမှန်ဆို ကားကို အိမ်ရှေ့မှာ ရပ်ထားခဲ့ရမှာ။ အိမ်ရှင်က ၀ယ်ချင် ကြောင်းလာပြောသူ နောက်ကျောကို ကြည့်ရင်း ကားကိုရှာတာ မတွေ့ဘူး။ ဒါနဲ့ မသင်္ကာလို့ နောက်က လိုက်ပြီး ကြည့်တာ ကားကို နှစ်အိမ်သုံးအိမ်ကျော် အဝေးမှာ ရပ်ထားတယ်ဆိုပဲ။
.
အကယ်၍ လူမရှိလို့ ခိုးဖြစ်ခဲ့ရင် ဒီအိမ်မှာ ခိုးနေတယ်ဆိုတာ ပတ်ဝန်းကျင်က မရိပ်မိအောင် ကားကို ခပ်လှမ်း လှမ်းမှာ သွားရပ်ထားတာလေ။ ပြီးတော့လဲ တန်ဖိုးမရှိတဲ့ စောင်းလျားသီးတွေကို ဒေါ်လာ ငါးရာဖိုး ၀ယ်ချင်တယ် ဆိုတော့ ဘယ်ဟုတ်တော့မလဲ။ လူမရှိဘူးထင်လို့ လာခေါက်တာ အထဲကလူက တံခါးဖွင့် ထွက်လာတော့လဲ အ ခက်ပေ့ါ။ ဘာလုပ်ရမယ်မှန်း မသိဘူးလေ။ အနားမှာရှိတဲ့ စောင်းလျားပင်ကို အကြောင်းပြရတော့တာပေါ့။
.
အင်း ... တော်တော် အတင့်ရဲတဲ့ သူခိုးပဲ။
.
နောက်တခါ အဒေါ်ကြီးနေတဲ့အိမ်မှာ ဖြစ်ခဲ့သေးတယ်။ သူနေတဲ့ ရပ်ကွက်ကသိပ်ကောင်းတယ်။ ခိုးမှုလိုကိစ္စ မျိုး မကြားဖူး မဖြစ်ဖူးတဲ့ မြို့လေးပါ။ ဟောဗျာ ... အခုတော့ အဲဒီမြို့မှာပဲ ခိုးမှုတွေ အတော်များနေတယ်။ ညမှာ ဖြစ်တဲ့ ခိုးမှု၊ အိမ်ထဲဝင်တာတော့ မဟုတ်ဘူး။ အိမ်ရှေ့မှာ ရပ်ထားတဲ့ကားကို လာခိုးတာ။ ကားတံခါကို ဖွင့်နေစဉ် မှာပဲ ကားမှာ တပ်ဆင်ထားတဲ့ alarm က မြည်တော့တာပါပဲ။ alarm မြည်သံက ကြားတော့ အိမ်ရှင်က ပြူတင်း တံခါးကနေ အပြင်ကို ကြည့်လိုက်တယ်။ သူခိုးကို မြင်နေရတယ်။ ဒါလည်း သူခိုးက ဂရုမစိုက်ဘူး။ ဆက်ခိုးနေဆဲ ပင်ဖြစ်ပါတယ်။ ရဲဌာနကို ခေါ်ထားပေမဲ့ ရဲအရာရှိတွေ ရောက်မလာသေးဘူး။ alarm က ဆူဆူညံညံမြည်နေဆဲ သူခိုးကလဲ ဆက်ခိုးဆဲ၊ အိမ်ရှင်ကလဲ အထဲက အပြင်မထွက်ရဲဆိုတော့ ငြိမ်သက်နေတဲ့ ရပ်ကွက်လေး ဆူညံသွား တယ်။ အဆက်မပြတ်မြည်နေသံကြားတော့ ဘေးအိမ်တွေက မနေနိုင်ဘူးလေ။ လှုပ်လှုပ်ရှားရှားဖြစ်လာတယ်။
.
ဘေးအိမ်တွေကလည်း သူခိုး ကားကို ခိုးဖို့ကြိုးစားနေတယ်ဆိုတာ သိတော့ အဝေးကနေ အားကောင်းတဲ့ ဓာတ်မီးတွေနဲ့ သူခိုးကို ၀ိုင်းထိုးထားကြတယ်။ ဒါလဲ သူခိုးက ဆက်ခိုးဖို့ ကြိုးစားနေဆဲပဲ။ နောက်ဆုံးတော့ သူခိုး လဲ မတတ်သာတော့ဘူးထင်တယ်။ လက်လျှော့ ထွက်ပြေးသွားလေရဲ့။ ရဲရောက်လာတော့ သူခိုးက မရှိတော့ဘူး။ အတင့်ရဲလိုက်တာနော်။ သူ့မှာ ခုခံဖို့ သေနတ်တွေ ဘာတွေ ပါလို့ဖြစ်မှာပေါ့။ တချိူ့မြန်မာအိမ်များဆို နှစ်ကြော့ ပြန် အခိုးခံရတယ်။ ပွဲကြမ်းလိုက်တာ၊ သူခိုးတွေ ပူလိုက်တာ၊ အိမ်မှာ တန်ဖိုးရှိတဲ့ပစ္စည်းကို မထားရဲလောက် အောင်ပဲ စိတ်မချရတော့ဘူး။ အမေရိကန်တွေလဲ လူထဲက လူဆိုတော့ ငတ်လာပြီဆိုရင် လုပ်ကြတာပါပဲ။ အထင် အမြင်ကို ပြောဆိုသူတွေကတော့ မက္ကဆီကန်တွေ ဖြစ်ဖို့များတယ်တဲ့။
.
စီးပွားကပ်ဆိုက်နေတဲ့ ဒီကာလမှာ လူတွေ အလုပ်မဲ့ကုန်ပြီ။ ဒီတော့ အလွယ်ကူဆုံးအလုပ်ကို လုပ်တော့တာ ပါပဲ။ ဒါက အရင်းမဆိုက်ရဘူး မဟုတ်လား။ ခိုးမှုတွေများလာတော့ alarm ကုမ္ပဏီတွေ အလုပ်ဖြစ်လာတယ်။ ဟုတ်တာ မဟုတ်တာထား လုံခြုံမှုအတွက်တော့ ဒီကုမ္ပဏီတွေထံက ၀ယ်ရတာပဲ။ ဒီအပြင် အိမ်ရှင်တွေ အပြင် ထွက်ဖြစ်တဲ့အခါ အိမ်တွင်းမှာ လူရှိသယောင်နဲ့ တယ်လီဘေးရှင်းနဲ့ ရေဒီယိုကို ဖွင့်ထားခဲ့ကြတယ်။ အကယ်၍ သူ ခိုးလာကပ်တယ်ပဲ ထားဦးတော့ အသံကြားရင် ရှောင်သွားကြတယ်။ မရှောင်သာလို့ ပက်ပင်းတိုးရင် နှစ်ဦးနှစ်ဖက် အန္တရယ်များတယ်။
.
တလောကဆို လူသတ်မှုတခုတောင်ဖြစ်တယ်။ သူကတော့ သူခိုးမဟုတ်ဘူး။ ဒါးနဲ့ထောက်ပြီး ပိုက်ဆံတောင်း တာမို့ ဒါးပြလို့ ခေါ်ရမှာပေါ့လေ။ မြန်မာပြည်ကနေ အမေရိကမှာ ကျောင်းလာတက်တဲ့ လူငယ်လေးနှစ်ဦး ညဖက် အတန်းပြီးလို့ အိမ်ပြန်ဖို့အတွက် ဘတ်စ်ကားမှတ်တိုင်မှာ ကားစောင့်နေတုန်းဖြစ်တာပါ။ ထွားကြိုင်းတဲ့ လူကြီးတ ယောက်က သူ့လည်ပင်းကို ဒါးထောက်ပြီး ပိုက်ဆံအိတ်တောင်းတယ်။ အန္တရာယ်ကင်း ပြီးတာပဲ သဘောနဲ့ ပိုက် ဆံအိတ် ထုတ်ပေးလိုက်တယ်။ ပိုက်ဆံအိတ် လက်ထဲ ရောက်တော့ မသွားဘဲနဲ့ လူငယ်လေးကို လည်ပင်လှီး သတ်တယ်လေ။ အနားက သူငယ်ချင်းက ဒါကို မြင်တော့ အသက်လွတ်အောင် မနည်းကို ထွက်ပြေးလိုက်ရ တယ်လို့ သတင်းစာမှာ ပါလာတယ်။ တော်တော်ဆိုးတာပဲနော်။ အဲဒါ Cal State University, Northridge မှာဖြစ် ခဲ့တာပါ။ ဒီကာလမျိုးမှာ ကျောင်းလာတက်တဲ့ လူငယ်တွေလည်း ဘတ်စ်ကား မစီးသင့်ဘူး။ အသင့်အတင့်ကား လေးကို ဈေးချိုချိုနဲ့ဝယ်ပြီး မောင်းသင့်ပါတယ်။
.
ရက်ပိုင်းအတွင်းကမှ ဖြစ်သွားတဲ့ Riverside က မြန်မာအိမ် အခိုးခံရတာ ဒေါ်လာ သောင်းကျော်ဖိုး ပစ္စည်း တွေနဲ့ လက်ဝတ်ရတနာတွေ ပါသွားတယ်။ အထူးသဖြင့် အိမ်က ကလေးတွေ သုံးတဲ့ပစ္စည်းတွေကို အဓိကထား ပြီး ခိုးသွားတာ။ ခိုးသူကို ပစ္စည်းရောင်းတဲ့နေရာမှာ စောင့်နေတဲ့ရဲက မိသွားတယ်။ ခိုးသူဟာ ကလေးတွေဖြစ်နေ တယ်။ လူကြီး အကူအညီနဲ့ ကလေးက ၀င်ခိုးတာဆိုပဲ။
.
စီးပွားပျက်တဲ့ ဒီကာလာမှာ တန်ဖိုးကြီးတဲ့ပစ္စည်းတွေ အားလုံးကို ဘဏ်က box တွေထဲမှာ သွားထားသင့်ပါတယ်။ အန္တရာယ်ကင်း ဘေးရှင်းပေါ့လေ။ အပြင်ထွက်ရင်လဲ အိမ်ထဲမှာ ရေဒီယိုနဲ့ တယ်လီဗီးရှင်း တခုခုကို ဖွင့်ထားခဲ့ဖို့ မမေ့သင့်ဘူး။ နောက်ပိုင်း လုံအောင်လို့ပါ။ alarm မရှိသေးရင်လဲ ၀ယ်ထားသင့်တယ်။ alarm ရှိကြောင်း တံခါးက တံဆိပ်ကို မြင်ရင် သူခိုးက မ၀င်ချင် မခိုးချင်တော့ဘူး။
.
ကြားသိနေရတာလေးတွေကို ပြန်လည်မျှဝေတာပါ။
အားလုံး သူခိုးဘေးက ကင်းဝေးပါစေ။
.

ကိုသက်

Read more...

Sunday, May 10, 2009

သန်းခေါင်စာရင်း ကောက်တော့မယ်

.

.
လမည့်နှစ်မှာ အမေရိကန်အစိုးရက အမေရိကန်ပြည်ထောင်စုအတွင်း ရောက်ရှိနေထိုင်ကြပြီးဖြစ်တဲ့ မြန်မာများ ရဲ့ အရေအတွက် စာရင်းကို ကောက်တော့မယ်လို့ ကြားသိရပါတယ်။ ဒါက သူတို့တွေ လုပ်နေကြအလုပ်တခုဖြစ် လို့ အဆန်းတော့မဟုတ်ပါ။ မြန်မာနိုင်ငံက ရောက်လာသူတွေ ဘယ်သူက ဘာ၊ ဘယ်မှာနေတယ်ဆိုတာ သူတို့ သိထားရင် ပြည်တွင်းပြည်ပ မြန်မာနဲ့ပတ်သက်နေသူတို့ အရေးပေါ်ကိစ္စတိုင်းမှာ ကူညီဖြေရှင်းပေးနိုင်တယ်။ သူ တို့ကိုယ်တိုင်လည်း အကူအညီလိုတဲ့အခါ မြန်မာများထံက အကူအညီတောင်းခံခွင့်ရဖို့ လွယ်တယ်လေ။
.
ဥပမာအားဖြင့် မနှစ်ကလို အဖြစ်ဆိုးနဲ့ မြန်မာပြည်သူလူထု ကြုံဆုံရတဲ့အခါ အမေရိကန်အပါအ၀င် နိုင်ငံတွေက ကူညီချင်သော်လည်း မြန်မာလိုပြန်တတ်တဲ့ စကားပြန်ကောင်းကောင်းကို တွေ့ဖို့ သိပ်ခက်ခဲပါတယ်။ သို့အတွက် စားရင်း အင်းအတိအကျ သိရတဲ့အခါ အလွယ်ကူဆုံးအကူအညီတောင်းဖို့ အခွင့်အလမ်းပေါ်လာပါတယ်။ နာဂစ် နဲ့ဆုံတုန်းက အမေရိကန်အစိုးရက သူတို့ စစ်တပ်ထဲ ၀င်ခဲ့ဖူးတဲ့ မြန်မာပြည်ဖွားတွေကို ပြန်ခေါ်တယ်။ လိုအပ် ရင် မြန်မာပြည်ဝင်တဲ့အခါ စစ်မှုပြန်ထမ်းဖို့ ဖြစ်ပါတယ်။
.
လောလောဆယ်ဆယ်မှာ အရေးကြီးတာက မြန်မာတွေများတဲ့ ပတ်ဝန်းကျင်မှာ မြန်မာတွေနဲ့ပတ်သက်လို့ ယဉ် ကျေးမှု၊ အနုပညာ၊ ဘာသာရေး၊ လူမှုရေး စတာတွေကို တစုတဝေးတည်း လုပ်နိုင်ဖို့အတွက် ကူညီချင်တာလဲ ပါတယ်။ ဥပမာဗျာ - တရုတ်လူမျိုးတွေအတွက် china town, ဂျပန်လူမျိုးတွေအတွက် little tokyo, ကိုရီးယား တွေအတွက် korean town, အိန္ဒိယက လူတွေအတွက် indian town, ယိုးဒယားတွေအတွက် little bangkok
ဗီယက်နန်များအတွက် little saigon စတဲ့ မြို့ကလေးတွေ၊ သူတို့အသိုင်းအ၀န်းတွေ ထည်ထည်ဝါ၀ါ သိပ်သိပ် သည်းသည်း ရှိပေမဲ့ မြန်မာတွေမှာ မရှိပါဘူး။ တကယ်ရှိသင့်တဲ့ကိစ္စဖြစ်ပါတယ်။ အခုဆိုရင် ကျနော်တို့မြန်မာ တွေ အမေရိကမှာ သိပ်များလာပါပြီ။ သို့သော် ပြန့်ကျဲနေကြတယ်။ တနေရာရာမှာ မစုစည်းနိုင်ကြသေးဘူး။
.
အကယ်၍သာ စုစည်းနိုင်မယ်ဆိုရင် သင်္ကြန်လိုပွဲမျိုးတွေမှာ မေယာ၊ ဂါဘနာ၊ သမ္မတ စသူတွေကို ဖိတ်ခေါ်လို့ရ တယ်။ သူတို့ကိုယ်တိုင် တက်ရောက်လာပြီး အမေရိကမှာရှိတဲ့ မြန်မာ့လူ့အဖွဲ့အစည်းအတွက် အဆင်ပြေစေဖို့ အခွင့်အလမ်းတွေ အများကြီးရနိုင်တယ်။ ဥပမာဆိုပါစို့ - ကားအမောင်းသင်တဲ့အခါ စာဖြေရတယ်။ တရုတ်လူ မျိုး၊ ဗိယက်နမ်လူမျိုးတွေအတွက် အင်္ဂလိပ်လိုမဖြေဘဲ သူတို့ဘာသာနဲ့ ဖြေခွင့်ရှိတယ်။ အကယ်၍ မြန်မာတွေ ညီကြမယ်။ စုစည်းနိုင်ကြမယ်ဆိုရင် ဒါမျိုးအလားတူ အခွင့်အရေးတွေ ကိုယ့်လူမျိုးတွေအတွက် ရလာနိုင်တယ်။
အပြန်အလှန်ပေါ့လေ။ မြန်မာတွေရဲ့ မဲကို ရယူချင်တော့ မေယာ၊ ဂါဘနာ၊ သမ္မတလုပ်ချင်သူတွေက မြန်မာတွေ ကို စည်းရုံးပြီး သူတို့လူကြီးဖြစ်လာရင် မင်းတို့လူမျိုးတွေအတွက် အဆင်ပြေလာအောင် ဘာတွေကို ငါလုပ်ပေး နိုင်တယ်ဆိုတာမျိုးတွေက အမြဲရှိနေတာမို့ အပြန်အလှန်အပေးအယူတွေ ဖြစ်လာနိုင်တာပေါ့။
.
သို့အတွက် လာမည့်နှစ်မှာ မြန်မာတွေကို သန်းခေါင်စာရင်း ကောက်တဲ့အခါ ကိုယ့်အမျိုးသားရေးအတွက် အား ပေးတဲ့အနေနဲ့ ငါ “မြန်မာ”ဆိုတာကို ဖော်ပြပေးဖို့လိုပါတယ်။ ကိုယ်ဟာ ဘယ်တိုင်းပြည်က မွေးတယ်ဆိုတာက ညာလို့မရတဲ့ကိစ္စပါ။ မွေးခဲ့တဲ့တိုင်းပြည်ကို ငါက မြန်မာပြည်ကပါ။ မြန်မာပြည်မှာ မွေးခဲ့တာပါလို့ ပြောလိုက်လို့
ဂုဏ်သိက္ခာကျမသွားပါဘူး။ တနည်းအားဖြင့်လည်း မမေ့ကောင်းလေတဲ့ ကိုယ့်မွေးရပ်မြေကို ဂုဏ်ပြုရာရောက် ပါတယ်။ ကျော်ကြားတဲ့ ကမ္ဘာကျော်ပုဂ္ဂိုလ်အတော်များများက ကိုယ့်မွေးရပ်မြေကို လွမ်းတစွာ တန်ဖိုးရှိစွာ ဖော် ပြလေ့ရှိပါတယ်။ မွေးကျေးဇူးကို ပြန်ဆပ်တဲ့သဘောပါ။
.
Cal State University, Pomona မှာ စာရေးသူက မြန်မလိုရေးထားတဲ့ စာအုပ်တအုပ်ကို ဖတ်နေစဉ် လူငယ် တဦးက လာနှုတ်ဆက်တယ်။ မြန်မာပြည်ကလာတဲ့ မြန်မာလားတဲ့။ ဟုတ်ပါတယ်ဖြေတော့ မေးသူကျောင်းသား က “ငါလဲ ဗမာပဲ”တဲ့ ပြောလာတယ်။ ဒီတော့ စာရေးသူက ဗမာလိုပြောတာပေါ့။ ဒီတော့ သူက ပြောလာတယ်၊ “၀မ်းနည်းပါတယ်ဗျာ၊ အဖေဗမာ၊ အမေဗမာ ဖြစ်ပေမဲ့ ကျနော် ဒီမှာမွေးတော့ ဗမာစကား မတတ်ပါဘူး”တဲ့။ အ င်္ဂလိပ်လိုပဲပြောကြတယ်။ ဒါလည်း အဆင်ပြေတာပဲ။ သူ့ကို အပြင်အနေအထားကြည့်ရင် တရုတ်ပြည်ကြီးကလာ တဲ့ တရုတ်လေးတဦးလို့ ထင်ရတယ်။ စကားလာပြောတော့မှ မြန်မာပြည်ကလာတဲ့ မြန်မာမိသားစုကပေါက်ဖွား တဲ့ မြန်မာတယောက်ဖြစ်နေမှန်းသိရတယ်။ ဒါ အခုရက်ပိုင်းအတွင်းမှာပဲ ကြုံခဲ့တာဖြစ်ပါတယ်။ အဆင်ပြေတဲ့အ ခါ မြန်မာစကား ပြန်သင်မယ်လို့ သူက ပြောလာသေးတယ်။ ဂုဏ်ယူစရာကိစ္စပါ။
.
အမေရိကအတွင်းက တချို့တက္ကသိုလ်တွေမှာ မြန်မာဒေးဆိုတာ ကျင်းပကြတယ်။ မြန်မာကျောင်းသူကျောင်း သားတွေက စုလုပ်တာပါ။ အဲဒီနေ့မှာ မြန်မာ့ယဉ်ကျေးမှု၊ အစားအစာ၊ အနုပညာ စတာတွေကို သူတို့နိုင်သ လောက်ဖော်ပြကြတယ်။ ဂုဏ်ယူစရာကိစ္စတွေဖြစ်ပါတယ်။
.
ကြားနေရတာတွေ ရှိသေးတယ်။ တချို့ဆိုရင် မြန်မာပြည်က လာတာ၊ မွေးတာကို မဖော်ပြချင်တော့ဘူး။ သူတို့ ရဲ့မွန်မြတ်တဲ့ မွေးရပ်မြေဇာတိကို ဖုံးကွယ်လိုက်ကြတယ်။ ဒါကို သူတို့က ကောင်းတယ်လို့ ထင်ကြတယ်။ တက ယ်တော့ မကောင်းပါ။ ကိုယ့်ကို မွေးခဲ့တဲ့တိုင်းပြည်ကိုတောင် အမှန်အတိုင်း မပြောချင်တော့ဘူးဆိုရင် ဘယ်အ ရေပဲခြုံခြုံ လုံမှာတော့ မဟုတ်ဘူး။ ခြုံတဲ့အရေအတိုင်းလည်း ကိုယ်ကဖြစ်လာမှာ မဟုတ်ဘူး။ ဒေါင်းကဒေါင်းဖြစ် ပြီး ကျီးက ကျီးပေါ့။ တွေးကြည့်ရင် ရှက်စရာတောင် ကောင်းသေးတော့တယ်။
.
မိသားစုတခုအတွင်းမှာ ဒီကိစ္စနဲ့စကားများကြတာ မှတ်ခဲ့ဖူးတယ်။ လူကြီးလုပ်သူက ကလေးတွေကို သင်တယ်။ မင်းတို့ကို လူတွေက (အမေရိကန်တွေက) ဘယ်တိုင်းပြည်က လာတာလဲလို့ မေးရင် မြန်မာပြည်ကလို့ မပြောပါ နဲ့တဲ့။ မြန်မာပြည်ဟာ ဆင်းရဲမွဲတေနေတာ၊ မြန်မာဆို ဟိုက ဟင်၊ ဒီက ဟင်နဲ့ ဘယ်သူမှ လက်မခံချင်ဘူး၊ သိ က္ခာမရှိဘူး၊ မြန်မာပြည်က လာတာလို့ ပြောရင် မင်းတို့မျက်နှာငယ်ရတယ်။ ဂုဏ်သိက္ခာထိတယ်ကွာ။ ဟောင် ကောင်က (သို့မဟုတ်) တိုင်ဝမ်က လာတယ်လို့ ပြောပါတဲ့။ ဒါပေမဲ့ တကယ်တမ်း ဧည့်သည်တချို့က ကလေး တွေကို မေးလာတဲ့အခါ ကလေးတွေက မြန်မာပြည်က၊ ရန်ကုန်ကလို့ပဲ အမှန်အတိုင်းပြောတယ်။ ဂုဏ်ယူစွာပဲ ပြောကြတဲ့အခါ လူကြီးနဲ့ ကလေးတွေကြား အမျက်ဒေါသပွားပြီး အိုးအိမ်ခွဲနေလိုက်ကြရတယ်။ ဒီအဖြစ်ကိုကြည့် ပါ။ ကလေး မှားသလား၊ လူကြီး မှားသလားဆိုတာ ထင်ရှားနေပါတယ်။
.
ဒါမျိုးတွေ မဖြစ်ကောင်းပါဘူးဗျာ။ ကိုယ့်နိုင်ငံနဲ့ မွေးရပ်မြေကို ဖုံးကွယ်လိုက်တာဟာ ကိုယ့်အမျိုးသားရေးကိုပါ ထိပါး စော်ကားလိုက်သလိုမျိုး ဖြစ်သွားနိုင်ပါတယ်။ မြတ်ဗုဒ္ဓတောင်မှ သူ့အနွယ်ကို မကွယ်ဝှက်ဘဲ “ဂေါတမ”လို့ ဖော်ပြခဲ့တယ်။ လောကတ္ထစရိယ - လူသားအားလုံးအတွက် ဘုရားဖြစ်အောင်ကျင့်ခဲ့ကြိုးစားခဲ့တယ်။ ဥာတတ္ထစ ရိယ - ကိုယ့်အမျိုးသားရေးအတွက်၊ နိုင်ငံအတွက် လုပ်ခဲ့တယ်။ ဒီနှစ်ခုကို ဆောင်ရွက်နိုင်ဖို့ ဗုဒ္ဓတ္ထစရိယ-ဘုရား ဖြစ်ဖို့ ကြိုးစားခဲ့တယ်။ သာမာန်ဆို ဒီလောက်ဆောင်ရွက်နိုင်မှာ မဟုတ်လို့ အများအတွက်၊ ကိုယ့်လူမျိုးအတွက်၊ ကိုယ့်တိုင်းပြည်အတွက် လုပ်နိုင်အောင် ဘုရားအဖြစ် ကြိုးစားခဲ့တာပါ။ ဂေါတမဆိုတာ အိန္ဒိယက သူ့အမျိုးအနွ ယ်ကို အလေးအမြတ်ပြုလိုက် ဂုဏ်ပြုလိုက်သလို ကျနော်တို့တွေလည်း ငါမြန်မာပါ၊ မြန်မာပြည်က လာတာပါလို့ ပြောလိုက်ခြင်းဟာ အမိမြေကို ဂုဏ်ပြုလိုက်တာဖြစ်ပါတယ်။
.
ကျနော်တို့တွေ အမေရိကမှာ ကြာကြာနေရင် အမေရိကန် နိုင်ငံသားဖြစ်လာမယ်။ အင်္ဂလန်မှာ ကြာကြာနေလဲ အင်္ဂလန်နိုင်ငံသားဖြစ်မှာပဲ။ ဒီနိုင်ငံသားတွေအဖြစ် ပြောင်းလဲသွားသော်လည်း ကျနော်တို့မျက်နှာက ဗိုလ်ရုပ်ဖြ စ်သွားမှာမှ မဟုတ်ဘဲ။ ကျနော်တို့ ရင်တွင်းမှာက ဗိုလ်အယူအဆတွေ ပြောင်းလဲသွားတာမှ မဟုတ်ဘဲ။ ငါးပိကြို က်တာကို တားဆီးလို့ မရနိုင်သလို ထမင်းစားတဲ့ဓလေ့ကိုလည်း ဖျောက်လို့ မရနိုင်ပါဘူးဗျာ။ ဘယ်မှာပဲဖြစ်ဖြစ် ကောင်းတာရှိသလို မကောင်းတာတွေလဲ ဒွန်တွဲရှိနေတတ်ကြတာ သဘာဝပါ။ ကောင်းတာတွေ ယူတတ်ဖို့ပဲလို ပါတယ်။ အယောင်ဆောင်တဲ့ လောကထဲက ထွက်ပြီး သဘာဝကျတဲ့ အမှန်တရားကို ဖော်ညွှန်းနေတဲ့ အစစ်အ မှန်လောကထဲမှာ ရိုးရိုးသားသားလေးနေတဲ့ဘ၀က တကယ် စိတ်ချမ်းသာစရာပါ။
.
ဒီလောက်မြန်မာကို ချစ်နေရင် မြန်မာပြည်ပြန်နေပါလားဆိုသူတွေလည်း ရှိသေးတယ်။ ဒါက ဦးဏှောက်မှာအ တွေးအမြင်နည်းသူတို့ ပြောလေ့ရှိတဲ့စကားပါ။ ဥပမာလေးတခုပြောရဦးမယ်။ I am thinking, therefore I am ငါးစဉ်းစားနေတယ်၊ ဒါကြောင့်ငါရှိတယ်ဆိုတဲ့ အတွေးအမြင်တခုကို ဖော်ထုတ်လိုက်တဲ့ ဖီလိုဆိုဖာကြီး Rene Descartes ဟာ သူ့အယူအဆကို ဖော်ပြနိုင်ဖို့အတွက် သူ့မွေးရပ်မြေကနေ ထွက်ခွာလိုက်ရတယ်။ သို့မဟုတ်ရင် သူ့ရှေ့က ပညာရှင်တချို့လိုပဲ သူလဲပဲ တဖက်စွန်းရောက်သမားတွေကြောင့် အသတ်ခံရနိုင်တယ်လေ။ သူ့အ တွေအမြင်တွေကို ဖော်ပြနိုင်ဖို့၊ သူ့အတွက် အောင်မြင်တိုးတက်စေဖို့အတွက် မွေးရပ်မြေ ပြင်သစ်နိုင်ကို စွန့်ခွာ သွားခဲ့တယ်။ အနောက်တိုင်းဖီလိုဆိုဖာဖခင်ကြီးအဖြစ် ကျော်ကြားခဲ့တယ်။ ဒါပေမဲ့ သူ့မွေးရပ်မြေနဲ့ သူ့ငယ်ဘ၀ များကို ဖော်ပြတဲ့အခါ အမှန်အတိုင်း လှလှပပဖော်ပြထားတာ လွမ်းမောစရာလေးပါ။ မင်္ဂလာတရားတော်နဲ့ ကြည့်ရင် ပတိရူပဒေသ၀ါသ - သင့်တော်လျှောက်ပတ်တဲ့အရပ်မှာ နေခြင်းသည် မင်္ဂလာတရားလို့ ဆိုထားလေ တော့ မင်္ဂလာဖြစ်နေပါတယ်။ ဒီလောက်မြန်မာကို ချစ်နေသူတွေ မြန်မာပြည်ပြန်နေပါလားလို့ ပြောသူတွေ ဒီမင်္ဂလာတရားတော်ကို နားမလည်လို့ နေမှာပါ။ တိုင်းပြည်ချစ်တာနဲ့ အခြေအနေအရ ရေကြည်ရာ မျက်နုရာ အသက်မွေးဝမ်းကြောင်းရတာလေးတွေကို မှန်မှန်ကန်ကန်မမြင်နိုင်တော့ဘူး။ အားလုံးကို ကိုယ်လိုချင်တဲ့ပုံစံနဲ့ ရောပြစ်လိုက်တာ မမှန်တော့ဘူး။
.
အချုပ်အားဖြင့် လာမည့်နှစ်မှာ မြန်မာတွေ ဘယ်လောက်ရှိတယ်ဆိုတာ စာရင်းကောက်တဲ့အခါ ကိုယ့်မွေးရပ် မြေကို ဂုဏ်ပြုကျေးဇူးဆပ်သောအားဖြင့် စာရင်းပေးကြပါလို့ တိုက်တွန်းချင်တာပါ။ ကိုယ့်တိုင်းပြည်၊ ကိုယ့်လူမျိုး ကို တကယ်ဂုဏ်ရှိစေချင်ရင် တကယ့်ဂုဏ်သရေရှိပုဂ္ဂိုလ်ကြီးတွေ လျှောက်လှမ်းတဲ့လမ်းကို လိုက်ပြီး ဆက်လက် ကြိုးစားသွားဖို့သာဖြစ်ပါတယ်။ တနေ့သောအခါ မြန်မာနိုင်ငံဆိုတဲ့ တို့တွေရဲ့မွေးရပ်မြေဟာ ပြောင်းလဲတိုးတက် လာမှာ အမှန်ဖြစ်ပါတယ်။
.
ကိုသက်
.
.

Read more...

Friday, May 8, 2009

ဓာတ်ပုံများနဲ့ စကားပြောခြင်း

.
တကယ်တော့ သက်မဲ့ဖြစ်တဲ့ ဓာတ်ပုံတွေနဲ့ စကားပြောလို့ မရပါဘူး။ အလင်္ကာသဘောအရ တင်စားပြီး သုံးဖြစ် လိုက်တဲ့ စကားပါ။ ဆယ်တန်းမြန်မာစာမှာ အားလုံးမှတ်သားဖူးကြတဲ့ သက်မဲ့ကို သက်ရှိများကဲ့သို့ တင်စားသုံး တဲ့ အပါဏေ ပါဏိဓမ္မ သမာဓိဂုဏ်ပဲဖြစ်ပါတယ်။ သက်ရှိတွေ လှုပ်ရှားမှုတခုဖြစ်တဲ့ ရယ်ခြင်း၊ ငိုခြင်း၊ ပြုံခြင်း၊ စ ကားပြောခြင်း စတာတွေကို သက်မဲ့မှာ တင်စားကြည့်တာပါ။ ကဗျာသဘော၊ အလင်္ကာသဘောအရ ရသမြော က်စေပါတယ်။ ကဲ ကဲ ဓာတ်ပုံများနဲ့ စကားပြောရအောင်။
.

.
ဒီဓာတ်ပုံက အောင်သပြေပါ။ အားလုံးပဲ မြင်တာနဲ့ သိတဲ့ပန်းပါ။ သပြေကိုမြင်ရင် မြန်မာတွေက ဘုရားတင်ဖို့ သ တိရကြတယ်။ တချို့လည်း အောင်ရာအောင်ကြောင်း ယတြာလေးဘာလေးတွေမှာ သုံးဖို့ပေါ့။ ဘာပဲဖြစ်ဖြစ် သ ပြေဟာ မြန်မာတွေနဲ့ အရင်းနှီးဆုံးပန်းပါ။ ကျနော်လည်း သပြေမြင်ရင် မနေနိုင်လို့ ဓာတ်ပုံရိုက်မိပြန်တယ်။
.
ဒီဓာတ်ပုံကို ရိုက်ဖို့ ကျနော်စိတ်ကူးတဲ့အခါ ကိုယ်ရိုက်မဲ့အရာ၊ နောက်ခံ၊ အလင်းရောင်၊ ပတ်ဝန်းကျင်ကို ပထမ ဆုံး စဉ်းစားပါတယ်။ ညနေပိုင်းနေကျချိန်မှာ သပြေခက်ပေါ်ကို နေရောင်များက ခပ်စူးစူးကျနေတယ်။ အလင်းတွေ သိပ်များနေလို့ ကင်မရာ မီးမဖွင့်ဖို့ ဆုံးဖြတ်လိုက်တယ်။ အကယ်၍ အလင်းရောင်သိပ်များနေချိန် နေ့လည်ပိုင်းမှာ မီးဖွင့်ရိုက်ရင် ပုံကိုဖျက်ဆီးလိုက်တာနဲ့တူပါတယ်။ အလင်းတွေများလို့ ပုံက မလှတော့ပါ။ အချိန်အတိအကျ ကိုတော့ ဓာတ်ပုံကို ထောက်ကြည့်လိုက်တာနဲ့ အလွယ်တကူ သိရမှာဖြစ်ပါတယ်။
.
နေရောင်က အနောက်က ပန်းကို ထိုးထားလို့ နေရောင်ထိုးတဲ့ဘက်က ဓာတ်ပုံကို ရိုက်ဖို့ ရွေးလိုက်တယ်။ အက ယ်၍ ဒီပုံမျိုးမှာ နေရောင်ကို မျက်နှာချင်းဆိုင် ရိုက်ရင် ဓာတ်ပုံမှာ အရိပ်တွေများလာနိုင်တယ်။ ဖြူသွားနိုင်ပါတ ယ်။ သို့အတွက် နေရောင်ကျတဲ့ ဖက်ကနေရိုက်ပါတယ်။ လင်းလင်းထင်းထင်းဖြစ်လို့ အရွက်ပေါ်က အကြော လေးတွေက အစမြင်သာ ထင်သာအောင် ပေါ်လာပါတယ်။ သဘာဝအရောင်ကို ပိုမိုပေါ်လွင်စေပါတယ်။
.
ပြီးတော့ ကောင်းကင်ပြာပြာ နောက်ခံကို ရွေးပါတယ်။ သဘာဝဖြစ်တဲ့ ကောင်းကင်ပြာပြာကြီးက ဓာတ်ပုံကို ကြ ည်လင်ပြတ်သား လှပစေတယ်။ အရွက်တွေ အခက်တွေကြားက အညွန့်ကို သီးခြားထုတ်ရွေးချယ်ပြီး မှန်ပြောင်း ကို ချိန်ပါတယ်။ လေတိုက်နေတုန်းမို့ လေငြိမ်တဲ့အချိန်ကို နဲနဲစောင့်ပြီး ရိုက်ရပါတယ်။ ကိုယ်လိုချင်သော အနေအထားဖြစ်အောင် မှန်ပြောင်းကို ကစားရပါတယ်။
.
ပတ်ဝန်းကျင်ဆိုတာက အညွန့်များစွာရှိနေတဲ့ ပတ်ဝန်းကျင်၊ အခြားသစ်ပင်သစ်ရွက်နေတဲ့ ရောနှောနေတဲ့ပတ် ၀န်းကျင်မှာ ပုံလေးတပုံအဆင်ပြေပြေ ထွက်လာဖို့ ကိုယ်တိုင်ရွေးချယ်ရပါတယ်။ သူ့ပတ်ဝန်းကျင်က အရာတွေ နဲ့ရော ရိုက်ရင် (သို့မဟုတ်) ခွဲရိုက်ရင် ဘယ်လိုအဆင်ပြေမလဲဆိုတာပါ။ ကျနော်ကတော့ ဒီလိုပန်းမျိုးဆို ပေါ်လွ င်အောင်လို့ သီးခြားပဲ ခွဲရိုက်ပါတယ်။ ဒါက ပိုပြီး အဆင်ပြေလို့ပါ။
.
.
ဒီဓာတ်ပုံက ဘုရားစင်ရှေ့က သစ်ခွပန်းဖြစ်ပါတယ်။ ပန်းအိုးတွေကြားက သစ်ခွပန်းတွေထဲက တပွင့်ကို ခွဲချိန် လိုက်ပါတယ်။ ကျန်တဲ့ပန်းတွေကို နောက်ခံလုပ်လိုက်တယ်။ မီးမဖွင့်ဘဲ ISO ကို အဆင်အပြေဆုံးဖြစ်အောင်လို့ ချိန်လိုက်တယ်။ အနီးကပ်ရိုက်တဲ့ မှန်ပြောင်းမရှိလို့ zoom ကို နဲနဲဆွဲလိုက်တယ်။ ပြီးတော့ မှန်ပြောင်းကို ပန်းရဲ့ အနီးဆုံးနေရာအထိ ကပ်လိုက်တယ်။ ဘက်ထရီကို အကြည်လင်ဆုံးဖြစ်အောင် စောင့်လိုက်တယ်။ ကြည်လင် ပြတ်သားပြီး ပန်းကြောမျှင်လေးတွေ ပေါ်လာသည်အထိ ရအောင်ချိန်တယ်။ ပြီးတော့ ပန်းပွင့်ကို ဘယ်ညာနဲ့ အထက်အောင် တည့်အောင် ချိန်တယ်။ လက်ဖြောင့်သေနတ်သမားလို အသက်အောင့်ပြီး နှိပ်ချလိုက်တယ်။
ဒီပုံလေး ထွက်လာပါတယ်။ ကင်မရာ မကောင်းတော့လည်း ဒီလိုပဲပေါ့။
.
.
.
ဒီပန်းက သစ်ခွတမျိုးပါ။ ကံ့ကော်နဲ့သိပ်တူတယ်။ ကံ့ကော်ကို လွမ်းတလို့ ဒီပန်းလှလှကို ရိုက်ဖို့ ဆုံးဖြတ်လိုက် တာဖြစ်ပါတယ်။ အခိုင်များစွာတွေထဲက တခိုင်ကို ရွေးလိုက်တယ်။ နောက်ခံအဖြစ် ကဒ်ပြားအစိမ်းရောင်ကို ကျ နော် ရွေးလိုက်တယ်။ အစိမ်းရောင် နောက်ခံနဲ့ အဖြူအ၀ါရောတဲ့ ပန်းပွင့်လေးတွေ ပေါ်လာတယ်။
.
အိမ်တွင်းမှာ ထားတဲ့ပန်းဖြစ်ပါတယ်။ မီးမဖွင့်ဘဲ ISO နဲ့ပဲ ရိုက်တာပါ။ အဖြူအစိမ်းနဲ့ မြန်မာပြည်က ကျောင်းသူ ကျောင်းသားတွေ၊ ဆရာဆရာမတွေရဲ့ ၀တ်စုံနဲ့ သိပ်တူလို့ ကျနော်တို့တွေ မျက်စိနဲ့ သိပ်ယဉ်ပါးနေတဲ့ စုံတွဲအ ရောင်ပဲဖြစ်ပါတယ်။ အခုနက အတိုင်းပဲ အနီးကပ်ရိုက်တဲ့ မှန်ပြောင်းမရှိလို့မို့ အနီးဆုံးအထိ ကင်မရာမှန်ပြောင်း ကို ကပ်လိုက်တယ်။ သဘာဝအလင်းရောင်ကြောင့် နောက်ခံအရောင်တွေ အနုအရင့် ညီအောင် စောင့်လိုက်ပါ တယ်။ သိပ်မဟုတ်ရင် နေရာကွက်ကြား အစိမ်းရောင် အနုအရင့်တွေ အကွက်လိုက်ပေါ်လာတတ်လို့ပါ။ အပွင့် သက်သက် မဟုတ်ဘဲ ပိုပြီးလိုက်ဖက်ညီ၍ ပေါ်လွင်အောင် အရွက်လေးတွေကို ပါအောင်ထည့်ရိုက်ပါတယ်။
.
.
လူကို ရိုက်တော့ ကိုယ်လိုချင်သလောက်ကို ဖြတ်ရိုက်ပါတယ်။ သူထိုင်နေတဲ့အနေအထားမှာ တည့်အောင်ယူပါ တယ်။ သူ့မျက်မှာက အလင်းရောင်ကို သဘာဝအလင်းရောင်နဲ့ အပေါ်လွင်ဆုံးဖြစ်အောင် ကင်မရာကို ရွှေ့ယူ ပါတယ်။ မီးလုံးဝ မဖွင့်ပါဘူး။ ကင်မရာကို အော်တိုမှာ မထားပဲ ISO (400) မှာပဲ ထားပြီး ချိန်ပါတယ်။ မြင်ရတဲ့ အတိုင်းပဲ နေရောင်က ထိုးနေပါတယ်။ အဲဒီနေရောင်က ၀င်မနှောက်ရှက်အောင် သူ့ကို နောင်ခံဖြစ်အောင်လို့ လုပ်လိုက်ပါတယ်။ အဲဒါက ကင်မရာ မှန်ပြောင်းကို အဝေးအနီးချိန်ဆပြီး ကိုယ်အကြိုက်ဆုံးအနေအထားကိုပဲ ရွေးယူပါတယ်။ အပြင်ကနေရောင် ထိုးနေမှုကို အတွင်းက အရောင်နဲ့ ခုခံနိုင်တဲ့အခါ ဓာတ်ပုံက ပေါ်လွင်လာပါ တယ်။ သိတဲ့အတိုင်းပဲ ကျနော်က ပေ့ါထရိတ်ရိုက်တာ သဘောကျလို့မို့ ထောင်လိုက်ပဲ ရွေးရိုက်ပါတယ်။ ဒါက လည်း သူ့နေရာနဲ့သူဖြစ်ပါတယ်။ နေရာတိုင်းတော့ မဟုတ်ဘူးပေါ့ဗျာ။
.

.
ဒီပန်းလေးက လှတယ်။ သူတို့က ဂျင်ဂျာလို့ ခေါ်တယ်။ သူ့အရွက်တွေက ဂျင်းပင်က အရွက်တွေနဲ့တူလို့တဲ့။ တ ကယ်တော့ စားပင်မဟုတ်တဲ့ ပန်းတမျိုးပါ။ အပွင့်တခိုင်နဲ့ အဖူးတခုကို မြေမှာပေါက်နေတဲ့ အပင်အုံထဲက ဖြတ် ယူလိုက်တယ်။ နှစ်ခုကို အခြေက ကြိုးနဲ့တွဲချည်နှောင်ပြီး ပန်းပင်ထိပ်မှာ ငြိမ်အောင် တင်ထားလိုက်တယ်။ ကျ န်တဲ့ နည်းစနစ်တွေကတော့ သပြေပန်းရိုက်တုန်းက အတိုင်းပဲ။
.
ဓာတ်ပုံလာကြည့်သူတွေက လှလိုက်တာ လှလိုက်တာနဲ့ ပြောနေကြတယ်။ ကိုယ်ရိုက်တဲ့ ပန်းပွင့်လေးတွေကို လှလိုက်တာလို့ ချီးမွန်းခန်းဖွင့်နေတဲ့ သူတွေတွေကို ကျေးဇူးတင်ပါတယ်ပဲ ပြောရတယ်။ အများအားဖြင့် ပန်း ကြိုက်တဲ့သူဆိုတာ မိန်းကလေးတွေပါ။ ပွဲကြိုက်ခင် မဟုတ်တဲ့ ပန်းကြိုက်ခင်တွေပါ။ ပန်းကြိုက်ခင်များအတွက် ပန်းတွေ ရိုက်ပြီးရင် အီးမေးလ်နဲ့ ပို့ပေးရတာ ကိုယ့်တာဝန်ပါ။
.

.
ဘုရားစင်ရှေ့က မီးတိုင်လေးပါ။ ကင်မရာနဲ့ပဲ နောက်ခံတွေကို ၀ါးအောင် ချိန်လိုက်တယ်။ အဲဒါက လွယ်ပါတယ် အဓိက ပေါ်လွင်စေချင်တာကို ချိန်လိုက်တယ်။ မှန်ပြောင်းကို အနီးကပ်ဆုံးဆွဲတယ်။ အနီးဆုံးအရာက ပြတ်သား လာတော့ နောက်ခံဘက်ဂရောင်းတွေက ၀ါးလာတယ်။ အထူးသဖြင့် အလင်းမရှိတဲ့နေရာတွေကို နောက်ခံဖြစ် အောင် ရွှေ့ယူရတယ်။ ဒီတော့ နောက်ခံဟာ မပြတ်မသားနဲ့ ၀ါးသွားတယ်။ ကိုယ်လိုချင်လို့ ချိန်ထားတဲ့ အရာ က ပီပြင်လာတယ်။ တည့်မတည့် ချိန်တယ်။ ရိုက်တယ်။ မီးမဖွင့်ပါဘူး။ မလိုအပ်လို့ပါ။
.
ကျနော်က ဓာတ်ပုံဝါသနာရှင်ပါ။ စာအုပ်တွေဖတ်တယ်။ ဓာတ်ပုံဆရာတွေနဲ့ စကားပြောတယ်။ ရိုက်ထားသမျှ လေးတွေကို ၀ါရင့်ဓာတ်ပုံဆရာကြီးများဖြစ်တဲ့ ဦးတင်မောင်အေး၊ ဆန်နီ စသူတွေကို ပြကြည့်တယ်။ သူတို့ရဲ့ထ င်မြင်ချက်တွေကို ယူတယ်။ ဆက်လက်ပြီး ကြိုးစားတယ်။ ပြီးတော့ အမေရိကန် ဓာတ်ပုံဆရာတွေနဲ့ စကားပြော တယ်။ ဒါနဲ့ပဲ အသက်မွေးဝမ်းကြောင်းလုပ်နေတဲ့ သောင်းကျော်တန် သူတို့ကင်မရာကြီးတွေကို ကြည့်ပြီး ကိုယ့် ကင်မရာအိုလေးကို သနားမိတယ်။ ဘာပဲဖြစ်ဖြစ် သူတို့နဲ့စကားပြောပြီး ပညာယူဖြစ်တယ်။ သူတို့ကင်မရာကြီး တွေ ရိုက်ကြည့်စမ်းပါလို့ ပေးကိုင်လာရင် အရာဝတ္ထုအသစ်အစမ်းတွေကို ရလိုက်တဲ့ကလေးဘ၀တုန်းကလိုပဲ စိတ်ဝင်တစား ကြည့်တယ်၊ ရိုက်တယ်။
.
အားတဲ့အခါ ကိုယ့်ကို Yes or No ပြောတတ်သူတွေနဲ့ စကားပြောဖြစ်သလို ကိုယ့်ကို ဘယ်တုန်းကမှ No လို့မ ပြောတတ်သူတွေဖြစ်တဲ့ ပန်းကလေးတွေ၊ သဘာဝပတ်ဝန်းကျင်တွေ၊ ပြီးတော့ သူတို့ရဲ့အရိပ်ဖြစ်တဲ့ ဓာတ်ပုံ လေးတွေနဲ့ ကျနော် စကားပြောဖြစ်တယ်။ စိတ်တည်ကြည်မှုတမျိုးကို ဖြစ်စေလို့ ဓာတ်ပုံများနဲ့စကားပြောခြင်း ဟာ ကိုယ့်အတွက်တော့ အဓိပ္ပါယ်လေးနက်မှု ရှိနေပါတယ်။ ပြီးတော့ ဓာတ်ပုံချစ်သူတွေ လိုလို့သုံးချင်သူတွေ လည်း သုံးလို့ရတာပေါ့ဗျာ။ ဒီဓာတ်ပုံတွေဟာ ကျနော်ဒီနေ့ရိုက်ထားတဲ့ ပုံတွေထဲက တချို့ဖြစ်ပါတယ်။
.
အားလုံးငြိမ်းချမ်းပါစေလို့ ဆန္ဒပြုရင်း ...
.
.
ကိုသက်
.

Read more...

Sunday, May 3, 2009

ကဆုန်လပြည့် ဗုဒ္ဓနေ့

.
.

ကဆုန်လပြည့် ဗုဒ္ဓနေ့” ကို ရွှေမြန်မာတွေ အားလုံးသိကြတယ်။ ကဆုန်လရောက်ပြီဆိုရင် ဗုဒ္ဓဖွားမြင်တော်မူ ခြင်းကို ရည်မှန်းဦးခိုက်ကြ၍ ကဆုန်လပြည့် ဗုဒ္ဓနေ့ကို မြန်မာပြည်ဒေသအသီးသီးမှာ ကျင်းပကြတယ်။ ပြည်တွင်းမှာသာမကဘဲ ပြည်ပရောက် မြန်မာနွယ်ဖွားတွေကလည်း ဒီယဉ်ကျေးမှုအမွေကို ဆက်လက်သယ် ဆောင်ခဲ့ပြီး သူတို့တွေ နေထိုင်ကြရာ တိုင်းပြည်များမှာ ကျင်းပပြုလုပ်နေကြတယ်။
.

.
.
ဒီနေ့ မေလ (၃) ရက်၊ တနင်္ဂနွေနေ့မှာ လောစ့်အိန်ဂျလိစ်မြို့ရှိ မြန်မာကျောင်းသို့ ရောက်ခဲ့တယ်။ အဲဒီမှာ က ဆုန်လပြည့် ဗုဒ္ဓနေ့ကို ကျင်းပကြတယ်။ သက်တော်ထင်ရှား မြတ်ဘုရားအား ရည်စူး၍ ဆွမ်းတော်များ ဆက်ကပ် လှူဒါန်းတယ်။ ကြွရောက်လာတဲ့ ဆရာတော်သံဃာတော်များအား ဆွမ်းလှူဒါန်းပြီးဧည့်သည်တော် များအား မြန်မာမုန့်ဟင်းခါးနဲ့ ဧည့်ခံကျွေးမွေး လှူဒါန်းရေးတွေ လုပ်နေကြတာ ၀မ်းသာပျော်ရွှင်စရာအဖြစ် မြင်ရပါတယ်။
.
ဒီပွဲအတွက် တာဝန်ယူလှူဒါန်းသူက သူနာပြုဆရာမ မရီရီအေးနဲ့ မိသားစုဖြစ်ပါတယ်။ မရီရီအေးကိုယ်တိုင်ပဲ ဘုရားအမှူးရှိသော ဆရာတော် သံဃာတော်များအတွက် ဆရာတော်များကျောင်းမှာ ညအိပ်လျက် ဆွမ်းစ သော အာဟာရများကို ချက်ပြုတ်ပါတယ်။ မိခင်ဖြစ်သူ ဒေါ်မြင့်မြင့်စိန်က အကူအညီလိုရင် လိုသလို ကိုယ်တိုင် လာရောက်ပြီး သမီးဖြစ်သူအား ကူညီမှုများပေးနေပါတယ်။
.
ယခုလို ကဆုန်လပြည့် ဗုဒ္ဓနေ့ကို ဘုန်းတော်ကြီးကျောင်းက ကျင်းပပြုလုပ်တဲ့ ပွဲတော်တခုအဖြစ် စည်ကား စွာ ပြုလုပ်ပေးလို့ လူအများ ကုသိုလ်လည်းရ ၀မ်းလည်းဝကြပါတယ်။ ထို့အတူ ဘုန်းတော်ကြီးကျောင်း ရန်ပုံငွေ အတွ က်လည်း လှူဒါန်းလာသူတို့ အလှူငွေများက အထောက်အပံ့ဖြစ်စေပါတယ်။
.
ကဆုန်လပြည့် ဗုဒ္ဓနေ့ကို အနယ်နယ်မှာ ကျင်းပကြမြဲမို့ ကဆုန်လနဲ့ ပတ်သက်သမျှ မှတ်သားစရာလေးတွေ အနည်းငယ် တင်ပြချင်ပါတယ်။ ကဆုန်လဆိုတာ ဘာသာ သာသနာ ရှုထောင့်က ကြည့်ရင် အံ့သြစရာကောင်း တဲ့ အဖြစ်သနစ်လေးတွေ တိုက်တိုက်ဆိုင်ဆိုင် မြင်တွေ့နိုင်ပါတယ်။
.
ဗျာဒိတ်, ဖွား, မြင်၊ ဗောဓိပင်၊ စံဝင် နန်းနိဗ္ဗာန်” လင်္ကာအရ ဂေါတမဘုရား အလောင်းတော်အဖြစ်နဲ့ သုမေ ဓာရှင်ရသေ့ဘ၀မှာ ဒီပင်္ကရာမြတ်စွာဘုရားထံတော်မှ “ဘုရားစစ်စစ်၊ ဧကန်ဖြစ်လိမ့်မည်”ဆိုတဲ့ ဗျာဒိတ်တော် ကို ခံယူခဲ့ခြင်း၊ ဘုရားအလောင်းတော် အမိဝမ်းမှ ဖွားမြင်တော်မူခြင်း၊ သစ္စာလေးပါးကို သိမြင်လို့ ဘုရားဖြစ် တော်မူခြင်း၊ မဟာဗောဓိပင် ပေါက်ခြင်း၊ ပရိနိဗ္ဗာန် ၀င်စံတော်မူခြင်းဆိုတဲ့ ဗုဒ္ဓနဲ့ပတ်သက်လို့ သာသနာ့မှတ်တိုင် ကြီးများက ဒီကဆုန်လမှာ ဖြစ်ခဲ့တာမို့ ထူးခြားတဲ့ လမြတ်ကဆုန်လို့ တင်စားခေါ်ဆိုကြပါတယ်။
.
ဒါကြောင့်ပဲ ဗုဒ္ဓနဲ့ ပတ်သက်တဲ့ ရက်မြတ်များ ဆုံစည်းရာ ကဆုန်လရောက်ပြီဆိုရင် ကဆုန်လပြည့် ဗုဒ္ဓနေ့စ တဲ့ ပွဲတော်များကို အမွန်အမြတ်ပြုကာ ကျင်းပပြုလုပ်ကြပါတယ်။
.
ကဆုန်လမှာ ဗုဒ္ဓနေ့နဲ့အတူ ကဆုန်ညောင်ရေသွန်းပွဲတော်ကိုလည်း ကျင်းပပြုလုပ်ကြပါတယ်။ မြတ်ဗုဒ္ဓဟာ ဗောဓိပင်ကို အမှီပြု၍ သစ္စာလေးပါးကို သိမြင်တော်မူခဲ့၊ သဗ္ဗညုတဥာဏ်တော်ကို ရတော်မူခဲ့တာဖြစ်လို့ ပူဇော် ထိုက်သော သစ်ပင်အဖြစ် ဗောဓိပင်ကို အမွှေးနံ့သာထုံသော ရေချမ်းများနဲ့ ကဆုန်ညောင်ရေသွန်းလောင်းပွဲ များကို ကျင်းပပြုလုပ်ကြပါတယ်။ တနည်းအားဖြင့်လဲ ဗောဓိပင်ဟာ မြတ်ဗုဒ္ဓက မာရ်နတ်မင်းကို အောင်တော်မူ ခဲ့ရာ ထူးမြတ်တဲ့ နေရာလည်းဖြစ်ပါတယ်။ ထိုသို့အောင်မြင်မှုကို ပူဇော်ကြတာလည်း ဖြစ်ပါတယ်။
.
ဗောဓိရဲ့ အဓိပ္ပါယ်က သိခြင်းလို့ အဓိပ္ပါယ်ထွက်ရှိပါတယ်။ သစ္စာလေးပါးကို သိမြင်တဲ့နေရာဖြစ်လို့ ဗောဓိ မည်တာပါ။ ဝေဿဘူ၊ ကကုသန်၊ ကောဏဂုံ၊ ကဿပ ဘုရားရှင်တို့ ပွင့်တော်မူရာ သစ်ပင်များဖြစ်တဲ့ အင်ကြင်းပင်၊ ကုက္ကိုပင်၊ ရေသဖန်းပင်၊ ပညောင်ပင် တို့သည်လည်း ထိုဘုရားရှင်များ ပွင့်တော်မူရာ သာသနာ တော်အတွင်း၌ ဗောဓိပင်များအဖြစ်အမည်ရပြီး ဂေါတမဘုရားရှင်သာသနာ ယခုကာလမှာကဲ့သို့ ဗောဓိပင်လို့ ခေါ်ဝေါ်ကာ ပူဇော် ကြပါတယ်။ ထိုဘုရားရှင်များ လက်ထက်မှာလည်း ကဆုန်ညောင်ရေသွန်းမှုတွေ ရှိမှာအမှန် ပင်ဖြစ်ပါတယ်။
.
တနည်းအားဖြင့် ဗောဓိပင်သည် မြတ်ဗုဒ္ဓရဲ့ ကိုယ်စား ကိုးကွယ်ရာလည်းဖြစ်ပါတယ်။ ဘုရားရှင်လက်ထက် တော်အခါက ဘုရားကျောင်းတော်သို့ ဖူးမျှော်ရန် သွားကြတဲ့ ရှင်လူရဟန်းတို့ ကျောင်းတော်သို့ ရောက်တဲ့အခါ မှာ ဒေသစာရီကြွချီတော်မူတဲ့ အချိန်အခါနဲ့ ဆုံလို့မို့ ဖူးမြင်ခွင့်မရရှာဘဲ သူတို့တွေ ပြန်သွားခဲ့ရပါတယ်။ ဒါကို အရှင်အာနန္ဒာ မထေရ်မြတ်က့ မြတ်ဗုဒ္ဓအား လျှောက်ထားပေးမှုကြောင့် မူရင်းဗောဓိပင်က ကြွေလုလု အစေ့တ လုံးကို ရှင်မောဂ္ဂလ္လာန်မထေရ် မြတ်က သင်္ကန်းတော်နဲ့ ခံယူတော်မူခဲ့ပြီး သာဝတ္ထိပြည်၊ ဇေတ၀န်ကျောင်းတော် သို့ သယ်ဆောင်ပေးခဲ့ပါတယ်။
.
ရှင်အာနန္ဒာက ဘုရားကိုယ်စား ဗောဓိပင်စိုက်ပျိုးရေးမှာ တာဝန်ယူခဲ့ပြီး ကောသလမင်းနဲ့ အနာထပိဏ်သူ ဌေး၊ ၀ိသာခါတို့က ကူညီဆောင်ရွက်ပေးခဲ့ပါတယ်။ ရှင်မောဂ္ဂလ္လာန်ဆောင်ယူတော်မူခဲ့တဲ့ ဗောဓိပင်မျိုးစေ့ကို ဇေတ၀န်ကျောင်းတော် တံခါးဝအနီးမှာ စိုက်ပျိုးကာ ရှင်လူအများက ဘုရားကိုယ်စား ကိုယ်ကွယ်ခဲ့ကြပါတယ်။ ရှင်အာနန္ဒာ မထေရ်မြတ်ကို အကြောင်းပြုကာ စတင်ဖြစ်တည်ခဲ့တဲ့ ဗောဓိပင်မို့ အာနန္ဒာဗောဓိပင်လို့ မည်တွင် ခဲ့ပါတယ်။
.
ဒါ့အပြင် သီဟိုဠ်ကျွန်းက ဗောဓိပင်ကိုတော့ မူရင်းဗောဓိပင်ရဲ့ တောင်ဘက်က အကိုင်းကြီးကို ဖြတ်ယူဆင့် ပွား ခဲ့ပြီး စိုက်ပျိုးခဲ့လို့ ဒက္ခိဏသာခါလို့ခေါ်ပါတယ်။ ဒက္ခိဏသာခါဗောဓိပင်များ သီဟိုဠ်ကျွန်းမှာ နေရာအနှံ့ ပွားများပြီး ပေါက်ရောက်ခဲ့ပါတယ်။ ရာသီဥတုဒဏ်ကြောင့် ကျိုးပြတ်ခဲ့တဲ့ ဒက္ခိဏသာခါဗောဓိပင်များရဲ့ အကိုင်း များကို ဘုရား ဆင်းတုတော်များ ထုလုပ်ကာ ကိုးကွယ်ခဲ့ကြရာ ယနေ့ဆို ကမ္ဘာအနှံ့မှာ ဒက္ခိဏသာခါဆင်းတု တော် ပြန့်နှံ့လျက်ရှိ ပါတယ်။ မြန်မာပြည်မှာလည်း မြောက်များစွာ ရှိပါတယ်။
.
နောက်ခံသမိုင်းကြောင်းများနဲ့ အဓိပ္ပါယ်ပြည့်စုံလေးနက်နေတဲ့ လကဆုန်ဟာ ဗုဒ္ဓဘာသာဝင်များအတွက်မ မေ့နိုင်စရာပင်ဖြစ်ပါတယ်။ ဘုရားပေးကမ်းခဲ့တဲ့ နိဗ္ဗာန်လမ်းသို့ လျှောက်လှမ်းသူ သူတော်စင်များအဖို့ ဘုရား ကျေးဇူးကို သိ၍ ကျေးဇူးတော်အနန္တကို တုန့်ဆပ်သောအားဖြင့် ကဆုန်ပွဲတော်များကို ကျင်းပနေကြတာဖြစ် ပါတယ်။
.

.
င်္ဂလာရှိသောပွဲတော်ပင်ဖြစ်ပါတယ်။ ကျင်းပသူ၊ ကြွရောက် ကုသိုလ်ပြုသူ၊ အားလုံးဟာ သူတော်ကောင်း စိတ်ဓာတ် အကျင့်မြတ်နဲ့မို့ ကုသိုလ်မင်္ဂလာ အဖြာဖြာတို့ ပွားများလျှက် ကျက်သရေတိုးတက်နေပါတယ်။ ကိုယ့် ယဉ်ကျေးမှုကိုလည်း ဖော်ဆောင်တဲ့ပွဲမို့ ကျင်းပနိုင်လေ ကောင်းလေဆိုတဲ့ ပွဲတော်တခုပင်ဖြစ်ပါတယ်။
.
.
ကိုသက်
.
.

Read more...

မြန်မာပြည် ငြိမ်းချမ်းရေးအတွက် ဂျပန်ရောက်မြန်မာတွေနဲ့အခုလို ဆုတောင်းပေးခဲ့ကြတယ်

လာလည်သွားကြတယ်

About This Blog

  © Free Blogger Templates Blogger Theme II by Ourblogtemplates.com 2008

Back to TOP