ဝါဆိုသင်္ကန်းကပ်လှူပွဲများ

.

.

ဝါဆိုလဟာ နွေအကုန် မိုးအစ နေ့တာရှည်၍ ညတာတိုသောလဖြစ်ပါတယ်။ အထူးဖြင့် ၀ါဆိုလပြည့်နေ့ဟာ နေ့ ထူးနေ့မြတ်အဖြစ် အများသိကြပါတယ်။ “သန္ဓေ, တောထွက်၊ ဓမ္မစက်၊ တချက်ပြာဋိဟာ” လင်္ကာအတိုင်းပဲ မြတ် ဗုဒ္ဓလောင်းလျာ ပဋိသန္ဓေ နေတော်မူခြင်း၊ တောထွက်တော်မူခြင်း၊ တရားဦးဓမ္မစကြာ ဟောကြားတော်မူခြင်းနဲ့ ရေမီးအစုံအစုံ တန်ခိုးပြာဋိဟာ ပြတော်မူခြင်း ထူးမြတ်သောအကြောင်းများကြောင့်ဖြစ်ပါတယ်။

.

ဝါဆိုလတွင် ပဉ္စင်းခံရှင်ပြုပွဲတော်နဲ့ ၀ါဆိုသင်္ကန်းကပ်လှူပွဲတော်များကို ကျင်းပလေ့ရှိပါတယ်။ ၀ါဆိုလပြည့်နေ့ သည် ဗုဒ္ဓနှင့်ပတ်သက်၍ ထူးမြတ်တဲ့အကြောင်းများရှိလို့ အများက သိကြသလို ထိုနေ့သည် ပဉ္စ၀ဂ္ဂီငါးပါးတွင် အရှင်ကောဏ္ဍညမထေရ် ပထမဦးဆုံး ရဟန်းဖြစ်သောနေ့မို့လဲဖြစ်ပါတယ်။ ဗုဒ္ဓဘာသာဝင်များ ၀ါဆိုလတွင် ပဉ္စင်းခံရှင်ပြုပွဲကျင်းပရခြင်းအကြောင်းအချက်ဟာ ဧဟိဘိက္ခုရဟန်းအဖြစ် အရှင်ကောဏ္ဍညမထေရ် သာသ နာတော်အတွင်းသို့ စတင်ဝင်ရောက်လာမှုကို ပူဇော်သောအားဖြင့် ကျင်းပကြခြင်းဖြစ်ပါတယ်။ ဒါ့အပြင် ရှင်ရဟ န်းပြုပြီးသောအခါ ၀ါဆိုရန် အဆင်သင့်ဖြစ်တဲ့ဝါဆိုလဖြစ်သောကြောင့်လည်း ဖြစ်ပါတယ်။

.

နှောင်းပိုင်းခေတ်ဖြစ်တဲ့ ယခုကာလမှာတော့ ၀ါတွင်းအချိန်က လွဲ၍ အဆင်ပြေသော လရာသီတွင် ရှင်ပြုရဟန်း ခံခြင်းကောင်းမှုပွဲကို ပြုလုပ်နေကြပါပြီ။ ၀ါတွင်းကာလတွင် ရဟန်းပြုရန် ၀ိနည်းဒေသနာတော်အရ တားမြစ်ပိတ် ပင်ထားခြင်း မရှိသော်လည်း ရှင်ပြုရဟန်းခံပွဲများ ၀ါတွင်းကာလမှာ ပြုလုပ်ကြတာ အလွန်နဲပါတယ်။ ပဉ္စင်းခံရှင် ပြုတဲ့ဓလေ့ဟာ ဘုရားရှင်သက်တော် ထင်ရှားကာလကပင် စတင်ခဲ့တာဖြစ်ပါတယ်။

.

ထို့အတူ ၀ါဆိုပွဲဟာလည်း ဘုရားရှင် သက်တော်ထင်ရှားရှိစဉ်ကပင် စတင်ခဲ့တာပါ။ သာသနာတော်ကို စတင် တည်ထောင်ခါစ ကာလမှာ ရဟန်းတော်များ ၀ါဆိုခြင်းကိစ္စ မရှိပါ။ တဆယ့်နှစ်လပတ်လုံး သွားချင်သောနေရာ သို့ သွားနေကြသော ရဟန်းတော်များကို ဒကာ၊ ဒကာမများက ကဲ့ရဲ့ကြပါတယ်။ မိုးတွင်းကာလမှာ သာသနာပ တိတ္ထိများတောင် ဘယ်ကိုမှမသွားဘဲ နားနားနေနေ ရှိနေကြတယ်။ ယုတ်စွအဆုံး ငှက်များသော်မှ သူတို့သိုက် မြုံထက်မှာ သက်သက်သာသာနေကြတယ်။ ဘုရားရှင့်သား ရဟန်းတော်များကား အနားမရှိ တသွားတည်းသွား နေကြလို့ စိုက်ပင်ပျိုးပင်တွေ အနင်းခံရလို့ ပျက်စီးကုန်တယ်၊ ပိုးမွှားငယ်များ သေကြေပျက်စီးရတယ် စသဖြင့်ကဲ့ ရဲ့ပြစ်တင်ကြလို့ ဘုရားရှင်က ၀ါတွင်းသုံးလ ၀ါဆိုကြရန် ၀ိနည်းဒေသနာတော်ကို ပညတ်တော်မူပါတယ်။ ထိုအ ချိန်မှ စတင်၍ ၀ါဆိုဝါကပ်ခြင်းအမှု သာသနာတော်မှာ စတင်ပေါ်လာခြင်းဖြစ်ပါတယ်။

.

ဝါဆိုရာတွင် ပထမ၀ါ၊ ဒုတိယ၀ါလို့ နှစ်မျိုးရှိပါတယ်။ ပထမ၀ါဆိုသောရဟန်းတော်များသည် ၀ါဆိုလပြည့်ကျော် ၁-ရက်မှ သီတင်းကျွတ်လပြည့်နေ့အထိ သုံးလ၊ ဒုတိယ၀ါဆိုသော ရဟန်းတော်များသည် ၀ါခေါင်လပြည့်ကျော် ၁-ရက်မှ တန်ဆောင်မုန်းလပြည့်အထိ သုံးလ ၀ါဆိုရပါတယ်။ ပထမ၀ါဆိုရန် မမှီသော ရဟန်းတော်များဟာ ဒု တိယ၀ါ ဆိုရပါတယ်။ အလွယ်တကူ ပြောရပါသော် ရဟန်းတော်များ သက်တော်နဲ့ ၀ါတော်ကိုရေတွက်ခြင်းဟာ ၀ါတွင်းကာလတွင် ဆိုသောဝါကို တနှစ်တ၀ါ ရေတွက်၍ ပြောခြင်းဖြစ်ပါတယ်။ သာမန်လူသားတဦး သာသနာ့ ဘောင်တွင်းသို့ စတင်ဝင်ရောက်သောနှစ် ၀ါဆိုသည်မှ စတင်ရေတွက်ခြင်းပင်ဖြစ်ပါတယ်။

.

ရဟန်းတော်တပါး ၀ါဆိုသောအခါတွင် “ဤကျောင်းတိုက်အတွင်း၌ ၀ါတွင်းသုံးလပတ်လုံး သီတင်းသုံးနေထိုင် ပါမည်” ဟု ပါဠိဘာသာဖြင့် ရွတ်ဆိုကြခြင်းဖြစ်ပါတယ်။ တပါးရွတ်ဆိုပြီးတိုင်း ကျန်ရဟန်းတော်များက သာဓု ခေါ်ဆိုကြပါတယ်။ ၀ါဆိုဝါကပ်သော ရဟန်းတော်ဟာ ၀ါတွင်းသုံးလ ညဥ့်အိပ်ညဥ့်နေ အခြားအရပ်သို့ ကြွခွင့် မရှိပါ။ ဘုရားရှင်ကိုယ်တော်တိုင်ပင် ဗာရာဏသီပြည် မိဂဒါဝုန်တော နန္ဒိယကျောင်းတော်၌ ပထမ၀ါ ဆိုတော်မူ ၍ နောက်ဆုံးဝါအဖြစ် ဝေဠုဝရွာတွင် သီတင်းတော်မူခဲ့ပါတယ်။

.

ဝါတွင်းသုံးလ ညဥ့်အိပ်ညဥ့်နေခရီးထွက်တဲ့ ရဟန်းအတွက် ၀ါကျိုးပျက်ပါတယ်။ ၀ါကျိုးပျက်သော် သီတင်းကျွတ် လပြည့်ကျော် ၁-ရက်မှ တန်ဆောင်မုန်းလပြည့်နေ့အထိ တလအတွင်းမှာသာ ကျင်းပပြုလုပ်ရသော ကထိန်အ လှူတော်ကို ပြုလုပ်ခွင့်မရှိတော့ပါ။ ဒါက ပထမ၀ါဆို၍ ၀ါကျိုး ၀ါပျက်သောရဟန်းတော်များအတွက်ဖြစ်ပါတယ်။ မူလကတည်းက ဒုတိယ၀ါဆိုသောရဟန်းတော်ဟာ လုံးဝကထိန်ခင်းခွင့် မရှိပါ။ သင်္ကန်းအလှူတော်မျှသာ ပြုနိုင်ပါတယ်။

.

ဝါဆိုပြီးသောရဟန်းတပါးအနေနဲ့ ၀ါတွင်းသုံးလ သွားခွင့်မရှိ ဆိုသော်လည်းပဲ “တုံသုံးတုံ” အကြောင်းပြချက်တခု ခု ပေါ်ခဲ့ပါသော် သွားခွင့်ရှိပါသေးတယ်။ ဒါနဉ္စ ဒါတုံ - အလှူပေးခြင်းငှါ အလှူခံပင့်ခြင်း၊ ဓမ္မဉ္စ သောတုံ-တရား နာခြင်းငှါ တရားဟောပင့်ခြင်းနဲ့ ဘိက္ခုံစ ပဿိတုံ-ရဟန်းတော်များအား ဖူးမြင်လို၍ ပင့်ဖိတ်ခြင်း အကြောင်းရှိပါ သော် ခုနစ်ရက်အတွင်းမှာ ပြန်လာပါမည်ဟု ၀ါပန်၍ သွားခွင့်ရှိပါတယ်။

.

ဝါဆိုဝါကပ်သော ရဟန်းတော်များကို လှူဒါန်းသောသင်္ကန်းကို ၀ါဆိုသင်္ကန်းခေါ်ပါတယ်။ ၀ါဆိုသင်္ကန်းကပ်လှူပွဲ ကို ၀ါဆိုခါနီးကာလနဲ့ ၀ါတွင်းကာလများမှာ ပြုလုပ်ကြပါတယ်။ သင်္ကန်းအပြင် ၀ါဆိုပန်းနဲ့ ဖယောင်းတိုင်များကို ရဟန်းတော်များအား ဒကာ၊ ဒကာမများက လှူဒါန်းကြပါသေးတယ်။ ၀ါဆိုပြီးသော ရဟန်းတော်များကို ပြီးလျင် ဂျင်းသုတ်၊ ကြက်သွန်သုတ်၊ အဖျော်ရည် စသည်များကို ဒကာ၊ ဒကာမများက လှူဒါန်းလေ့ရှိပါတယ်။ အမေရိက လိုနေရာမျိုးမှာတော့ ထိုအလေ့များ မတွေ့တော့ပါ။

.

ဖော်ပြထားသော ဓာတ်ပုံများဟာ အမေရိကန်နိုင်ငံရဲ့ အလယ်ပိုင်းတွင် တည်ရှိသော Springfield မြို့၊ ချမ်းမြေ့ကျောင်းတွင် ၂၀၀၉-ခုနှစ်၊ ၀ါဆိုသင်္ကန်းကပ်လှူပွဲကို ဇွန်လ ၂၇-ရက်၊ စနေနေ့မှာ ကျင်းပပြုလုပ်ခဲ့ သော မှတ်တမ်းဓာတ်ပုံများပင်ဖြစ်ပါတယ်။ ထိုပွဲသို့ ချီကာဂိုမှ ဆရာတော် ဦးကေသ၀၊ တောင်အာဖရိကမှ ဆရာတော် ဦးပညာနန္ဒနဲ့ ဖို့တ်ဝိန်းမြို့တွင် သီတင်းသုံးနေကြသော ဆရာတော်များက ကြွရောက်အားပေးခဲ့ကြ ပါတယ်။ အနီးဝန်းကျင်ရှိ ဒကာ၊ ဒကာမများကလည်း ၀ါဆိုသင်္ကန်းကပ်ပွဲသို့ သွားရောက်ကုသိုလ်ပြုကြပါတယ်။

.

.

.
.

ဝါဆိုသင်္ကန်းကပ်ပွဲသည် ဘုန်းကြီးကျောင်းမှာ ပြုလုပ်၍ ရသလို ဒကာ၊ ဒကာမအိမ်များသို့ ပင့်ဖိတ်၍ လှူဒါန်းပြု လုပ်နိုင်ပါတယ်။ ကထိန်သင်္ကန်းလို စည်းဘောင်သိပ်မများလှပါ။ မိမိတို့အိမ်များမှာ အန္တရာယ်ကင်း ဘေးရှင်းပရိ တ်ရွတ်ဖတ်ရင်း မိသားစု ၀ါဆိုသင်္ကန်းကပ်လှူပွဲလေး ပြုလုပ်လိုသူများကလည်း ၀ါဆိုသင်္ကန်းအလှူတော်ကို မိမိ တို့အိမ်ဂေဟာမှာ မင်္ဂလာရှိရှိ ပြုလုပ်ကြပါတယ်။ အောက်ဖော်ပြပါပုံတွင် Los Angelesနေ မြန်မာမိသားတစုက မိမိတို့အိမ်သို့ Norwalk မြို့၊ ဓမ္မသုခကျောင်းဆရာတော် ဦးသဇ္ဇန မထေရ်မြတ်အား ပင့်ဖိတ်ကာ ၀ါဆိုသင်္ကန်း လှူဒါန်းပြီး အမှတ်တရပုံဖြစ်ပါတယ်။

.

.

အမေရိကန်ပြည် တ၀ှမ်းမှာ ၀ါဆိုသင်္ကန်းကပ်လှူပွဲတွေ အာရှတိုက်သား ဗုဒ္ဓဘာသာဝင်တွေရှိတဲ့ ပြည်နယ်များ မှာ စည်ကားသိုက်မြိုက်စွာ ကျင်းပနေကြတယ်။ အခြားပြည်ပ တိုင်းပြည်များမှာလည်း ထိုနည်းအတူပင်ဖြစ်မှာပါ၊ ပြည်ထောင်စုမြန်မာနိုင်ငံအတွင်းမှာလည်း ၀ါဆိုသင်္ကန်းကပ်လှူပွဲတော် နွှဲနေကြလောက်ရောပေါ့။ ဘာသာသာ သနာအဆုံးအမကို အလွန်မြတ်နိုးတန်ဖိုးထားတဲ့ မြန်မာပြည်သူ၊ ပြည်သား ဒကာ၊ ဒကာမအပေါင်း ဤကုသိုလ် အထောက်အပံ့ကို ရကြ၍ ကိုယ်စိတ်နှစ်ဖြာ ကျန်းမာချမ်းသာကြပါစေ ...

.

.

ကိုသက်

.