အသစ် အသစ်တွေ လာပြီ
ကကက
အတာရေ ဆောင်းပါးက မတက်လို့ ဥဒါန်းသစ်ကတော့ မေ၊ ဇွန် ရောက်တဲ့ထိ သင်္ကြန်ကျနေတုန်းပဲလို့ မာယာ က အစ်ကိုကြီးတယောက်က ကျနော်နဲ့ စကားပြောဖြစ်တိုင်း လှောင်တယ်။ နာမည်အမျိုးမျိုးနဲ့လည်း သရော်တဲ့ စာတွေ ၀င်ရေးသွားတတ်တယ်။ ဒီနေ့ရေးထားတဲ့ အတိုအထွာလေးတွေ ဖတ်ပြီး အသစ်အသစ် ဖတ်စရာတွေ ရောက်လာပြီဆိုတော့ ခဏခဏ နားပူရတဲ့ တင်းဝါးခြစ်သံနဲ့ ပုရစ်သံတော့ တိတ်သွားလောက်ပြီ။
ကကက
ကိုယ့်အရေး၊ သူ့အရေး၊ ဟိုအရေး၊ သည်အရေးတွေကြားမှာ ဗျာများနေတဲ့ကျနော်ကလည်း ကျနော်ပါပဲ။ သူများ တွေက မအားတဲ့ကြားက စာရေးတယ်။ ကျနော်က မအားတဲ့ကြားက တယ်လီဖုံးတလုံးနဲ့ ပြန်ကြားရေးလုပ်ပြီး လေပေးနေရတယ်။ ဒီတော့ဗျာ ပုံမှန်စာရေးတာလေး ပျက်ကွက်သွားတယ်။ ဆရာသိန်းဖေမြင့် ပြောသလို စာ ရေးဖြစ်အောင် နေ့စဉ်စာရေးနေကြစာပွဲမှာ ရေးချင်သည်ဖြစ်စေ မရေချင်သည်ဖြစ်စေ သွားထိုင်မှပဲဖြစ်တော့ မယ်ထင်တယ်။ စမ်းကြည့်ပါဦးမယ်။
ကကက
စာမရေးဖြစ်တဲ့အကြောင်းတွေထဲမှာ ကျောင်းစာတွေများနေတာလဲပါတယ်ဗျ။ ကျောင်းကမပြီးသေးတော့ မကြီး မငယ်နဲ့ စာတွေဖတ် ကျောင်းတွေတက်နေရသေးတယ်လေ။ ဒီကြားထဲက မဖြစ်မနေ ခရီးသွားစရာတွေ ပေါ်လာပြန်တော့ ခရီးထွက်ရသေးတယ်။ ခရီးသွားရင်းလဲ စာရေးမယ်လို့ အားခဲထားတာ တကယ်တော့ စိတ် ကူးယဉ်သက်သက်မျှသာပါ။ ဟိုမှာက လူစုံတက်စုံတွေ့တော့ စာရေးဖို့နေ နေသာ လေပေးတာနဲ့ အိပ်ချိန်ကို မ ဖြစ်မနေလုအိပ်ရတယ်။
ကကက
အခုတော့ နွေရာသီ ရောက်ပြီဖြစ်လို့ အတော်လေး အားလပ်လာပြီ။ ဒါတောင် ကလေးတွေ စာသင်ဖို့တာဝန်က အသစ်တိုးလာတယ်။ လုပ်ပေးရဦးမှာပဲလေ။ မျိုးဆက်သစ်တွေ တိုးတက်ရစ်ဖို့ ကျနော်တို့တွေ လူတိုင်းမှာ တာ ၀န်ကိုယ်စီ ရှိကြတယ် မဟုတ်လားဗျာ။ အေးဗျာ . . . အားလပ်မှ အလုပ် လုပ်ကြမယ်ဆိုရင်လည်း ခရီးရောက် မှာကို မဟုတ်တော့ဘူး။ မအားတဲ့ကြားက လုပ်မှ လုပ်ဖြစ်မှာပါ။
ကကက
ကျနော့်မိတ်ဆွေ စာရေးဆရာတဦးကတော့ သူ့အလုပ်ကို လက်တော့ကွန်ပြူတာလေး ယူသွားတယ်။ အားတဲ့အ ခါ စာတွေ ဆောင်းပါးတွေ ရေးရအောင်လို့ပြောတယ်။ အဆင်ပြေတယ်ပြောတယ်။ စာတွေလည်း အတော်ရေး ဖြစ်တာတွေ့ရတယ်။ သူ့လို လက်တော့ကွန်ပြူတာလေး ဆောင်ထားရအောင်ကလည်း ကိုယ်က သူဌေးမဟုတ် တော့ အခက်သားလားဗျာ။ လက်တော့ပ် မတတ်နိုင်တော့လဲ စာအုပ်ကို အားကိုးလို့ရသားပဲ။ ကိုယ့်နေရာမှာက ကွန်ပြူတာနဲ့ အမြဲစာရေးနေကြဆိုတော့ ဇာတ်ပျက်နေပြီ။ စမ်းတော့ ကြည့်ရမှာပဲ။
ကကက
စာမရေးဘဲ ဥဒါန်းသစ်ကို ဒီအတိုင်းရပ်တန့်ထားလို့ စီဘောက်စ်ထဲမှာ လာ လာပြီး သရော်နေတဲ့ နွေးအေးတို့ အ ဖွေးလေးတို့ကို အသိပေးလိုက်ပါတယ်။ အသစ်အသစ်တွေ မကြာမီလာတော့မယ်လို့။ ဒါပေမဲ့ မပေါ်လာသေးလို့ ကြာနေရင်လည်း သည်းခံလက်စနဲ့ ဆက်လက်၍ သည်းခံ၍ စောင့်ပါဦးလို့ ကြိုတင်မှာချင်ပါသေးတယ်။ ကျနော့် ရဲ့ စာဖတ်ပရိသတ်တွေ ကိုယ်စိတ်နှစ်ဖြာ ကျန်းမာချမ်းသာကြပါစေဗျာ . . .
0 comments:
Post a Comment