ဒီတခါ မင်းတို့အလှည့်
ကကက
ပြည်သူဘက်က အမြဲရပ်တည်နေတဲ့ ပညာရှင်ကြီးတွေ၊ တိုင်းပြည်ကို ချစ်မြတ်နိုးသူတွေ၊ ပြည်သူရဲ့အားကိုးမှုကို အမြဲတမ်းရရှိနေသူတွေ အာဏာရှင်စစ်အစိုးရကို မညှာစတမ်း အမြဲတမ်းဝေဖန် ထောက်ပြတတ်တဲ့ မြန်မာပြည်ရဲ့နတ်နေကိုင်းကြီးတွေ ကွယ်လွန်သွား တာ တန်ဖိုးမဖြတ်နိုင်အောင် နှမြောတသ မိတယ်။ နစ်နာဆုံးရှုံးရပါတ တယ်။ ၀မ်းနည်းစရာ ကောင်းပါတယ်။
ကကက
ဒီလောကမှာ လူတွေဟာ ကိုယ့်အတွက်သာ ကိုယ်လုပ်ကြတာများပါတယ်။ ကိုယ့်အတွက် အကျိုးမရှိရင် သိပ်မ လုပ်ချင်ကြပါဘူး။ ကိုယ့်အတွက် နစ်နာမယ်ဆိုရင် ဒီကိစ္စကို လုပ်ဖို့ရှောင်ကြတယ်။ လူသားသိပ်ဆန်လွန်းတဲ့ အဖြစ်သနစ်မို့ ဒါကို သိပ်သိပ်ပြီး မဝေဖန်လိုတော့ပါ။ တကိုယ်ကောင်းဆန်ပြီး လူသားဆန်တာ သိပ်မဆန်းတော့ ပါ။ ဒီအထဲကမှ ချွန်ထွက်လာသူတွေရှိပါတယ်။ သူတို့တွေကတော့ အနည်းစုပါ။ တဦးတယောက်ကောင်း ထွက် ပေါ်လာတတ် တဲ့ အနည်းစုသော လူတွေဟာ တိုင်းပြည်တခုကို ကမ္ဘာကို ကိုင်လှုပ်နိုင်တဲ့အထိ စွမ်းအားထက်ပါ တယ်။ ဒီပုဂ္ဂိုလ်ကြီးတွေ စောစောကွယ်လွန်ခြင်းအတွက် စိတ်မသက်သာတာ အမှန်ပဲ။
ကကက
မကြာခင်နှစ်တွေအတွင်းနဲ့ ဒီနှစ်အတွင်းမှာ ကွယ်လွန်သွားသူတွေ ရှိတယ်။ တိုင်းပြည်ဘက်၊ ဒီမိုကရေစီဘက်နဲ့ လူထုဘက်က လူတွေ ကွယ်လွန်ခဲ့တာပါ။ ဒီထဲမှာ ဒေါက်တာသန်းထွန်း ကွယ်လွန်တာက စခဲ့တာပဲ။ ဒေါက်တာ သန်းထွန်းလို ပုဂ္ဂိုလ်မျိုးဟာ သမိုင်းစာပေနဲ့ ပတ်သက်လာရင် အလွန်ကျွမ်းကျင်သူတဦးဖြစ်ပါတယ်။ သူထားခဲ့တဲ့သမိုင်းဆိုင်ရာ စာပေ အထောက်အထားတွေဟာ ယနေ့အထိ ပုံနှိပ်ထုတ်ဝေလို့ မကုန်သေးပါဘူး။ သမိုင်းနဲ့ဆိုင်တဲ့ အကြောင်းအရာကို ပြောဖို့လိုအပ်လာရင် ဘယ်သူ့မျက်နှာကိုမှ မငဲ့တတ်သူပါ။ စစ် အာဏာရှင်ကိုလည်း သူ မကြောက်ဘူး။ ဘယ်သူ့ကိုမှ သူမကြောက်ပါဘူး။ သမိုင်းအမှန်ကို အမှန်အတိုင်း လူထုထံပါး ရောက်ဖို့ကိုပဲ သူ ဦးစားပေးတယ်။ အမှန်အတိုင်းကိုပဲ ရေးသားလေ့ရှိပါတယ်။
ကကက
လက်ရှိအာဏာရှင်တွေ အကြိုက်ကို လိုက်ပြီးတော့ အမှန်ကို အမှား၊ အမှားကို အမှန်အဖြစ် မရေးခြစ်တတ်တဲ့ စစ်မှန်တဲ့ သမိုင်းပညာရှင်ကြီးပါ။ သူ့ကို ဘာနဲ့မျှ မြှူစွယ်လို့ မရပါဘူး။ လျှာမှာ မြက်ပေါက်သွားစေရမယ်။ သူက တော့ ဘယ်သောအခါမျှ အာဏာရှင်အကြိုက်ကို လိုက်ရေးလိမ့်မည်မဟုတ်ပါ။
ကကက
အမှန်တရားကို ချစ်မြတ်နိုးတဲ့ သမိုင်းပညာရှင်ပီပီ လွတ်လပ်မှုကို မြတ်နိုးတဲ့ ပါမောက္ခကြီးတဦးပါ။ ဆရာတင်မိုး က စစ်အစိုးရကို ကဗျာနဲ့ကလော်တုန်းက ပြည်သူဘက်က ရပ်တည်ပြီး အောင်ခြင်းရှစ်ပါး အကြောင်းကို ရေးခဲ့ ဖူးတယ်။ ဒီတုန်းက ဆရာဒေါက်တာသန်းထွန်းဟာ အောင်ခြင်းကိုးပါး လာလိမ့်မယ်လို့ မြန်မာပြည်တွင်းကနေ စာတွေ လှမ်းရေးတယ်လေ။ အိုင်ဒီယာ ကောင်းကောင်းလေးတွေနဲ့ တခွန်းတပါဒဆိုသော်လည်း ဆိုသလောက် ထိရောက်တဲ့ သူတို့စကားကို စစ်အာဏာရှင်တွေ ထိတ်လန့်ကြတယ်။
ကကက
နောက်တခါ “မအအောင်လို့ သမိုင်းသင်တာ”လို့ အများသိနေတဲ့ စကားဟာ ဆရာ့နှလုံးသားက ထွက်ပေါ်လာ တဲ့ သမိုင်းစာပေပေါ်မှာ ခံစားချက်ဖြစ်ပါတယ်။ တိုင်းပြည်အပေါ် သမိုင်းအပေါ်မှာ အလွန်တာဝနကျေပြီး ကျေး ဇူးကြီးမားတဲ့ ဆရာဒေါက်တာသန်းထွန်း ကွယ်လွန်ခဲ့ခြင်းဟာ ကျနော်တို့ဘက်က၊ ပြည်သူလူထုဘက်က တန်ဖိုး မဖြတ်နိုင်သော ဆုံးရှံးမှုတရပ်သာဖြစ်ပါတယ်။
ကကက
ကျနော် မမေ့နိုင်သော နောက်တဦးကတော့ ဆရာကြီး ဦးတင်မိုးဖြစ်ပါတယ်။ ညဘက် ရေဒီယိုနားထောင်ဖြစ်တဲ့ အခါ ဆရာ့အသံကို မကြာခဏ ကြားရတတ်တယ်။ အင်တာနက် စာစောင်၊ မဂ္ဂဇင်း၊ ၀က်ဗ်ဆိုက်တွေကို ဖတ်တဲ့ အခါ ဆရာ့ကဗျာတွေ စာတွေကို အမြဲလိုလို တွေ့ရတတ်တယ်။ စာတွေ ကဗျာတွေ ရေးတယ်။ ရေးသမျှကိုလဲပဲ အကျိုးအမြတ် မကြည့်ဘဲ တိုင်းပြည်အတွက်ကို ရှေးရှုပြီးတော့ အလှူဒါနပြုနေတယ်။
ကကက
ဆရာကြီး ဦးတင်မိုးရဲ့ ကဗျာတွေ စာတွေက သဘာဝလမ်းကြောင်းပေါ်မှာ အမြဲရပ်တည်သလို အမှန်တရားပေါ် မှာလည်း အမြဲတမ်း အခြေခံထားပါတယ်။ ဆရာဟာ ထောင်ကျခဲ့တယ်။ ဘာကြောင့်ပါလဲ။ လူထုဘက်က ရပ်တ ည်ပြီးတော့ စစ်အာဏာရှင်တွေကို တိုက်ခိုက်တဲ့ ကဗျာတွေ ရေးလို့ပါ။ အမှန်တရားဘက်က ရပ်တည်ဖို့ကို ကိုယ် တိုင် ထောင်ကျခံပြီး သက်သေပြုခဲ့တဲ့ ဆရာကြီးပါ။
ကကက
တက္ကသိုလ်ကျောင်းဆရာဘ၀တုန်းက စစ်အစိုးရအကြိုက်ကို လိုက်ပြီးလုပ်မယ် စာရေးမယ်ဆိုရင် နေရာကောင်း ကောင်းတွေ ရပါလျက်နဲ့ ယုံကြည်မှုအတွက်နဲ့ ဒါတွေ ကျောခိုင်းခဲ့တယ်။ ဘ၀တူ ပြည်သူတွေဘက်က ထာဝရ ရပ်တည်သွားခဲ့တယ်။ လူနေရိုးသော်လဲ အတွေးအမြင်များက ဆန်းသစ်တယ်။ လွတ်လပ်မှုကို မြတ်နိုးတယ်။ မ တရားမှုကို အလွန်မုန်းတယ်။ အနိုင်ကျင့်မှုကို စက်ဆုတ်တယ်။ ဒါကြောင့်ပဲ အာဏာရှင်တို့ ပတ်ဝန်းကျင်မှာ မ နေနိုင်လောက်တဲ့ အခြေအနေတွေဖြစ်လာလို့ တပည့်များ၊ မိသားစုများက ဆရာ့ကို ပြည်ပမှာနေဖို့ ၀ိုင်းဝန်းပံ့ပိုး တိုက်တွန်းကြလို့ မွေးရပ်မြေတိုင်းပြည်နဲ့ ချစ်လိုလျက်နဲ့ ဝေးခဲ့ရတယ်။
ကကက
ဆရာကြီး ဦးတင်မိုးဟာ မြန်မာလူငယ်တွေရဲ့ နှလုံးသားကို ကဗျာနုနု စာနုနုတွေနဲ့ စာတင်မိတ်ဆက်ပေးခဲ့သူလို့ ပြောရင် မမှားပါ။ ယနေ့တိုင် ဆရာရေးခဲ့တဲ့ ကလေးကဗျာများ၊ မူလတန်း၊ အလယ်တန်းနဲ့ အထက်တန်းစတဲ့ ကျောင်းတွေမှာ ပြဌာန်းထားတဲ့ စာတွေ ကဗျာတွေဟာ တိုင်းပြည်အနာဂတ်အတွက် ရှင်သန်နေလျက် ဆရာရဲ့ ကိုယ်စား သင်ကြားနေလျက်ဖြစ်ပါတယ်။ နှစ်တွေ ခေတ်တွေ စနစ်တွေ ပြောင်းသော်လဲ မဟောင်းနိုင်တဲ့ဆရာ့ စာတွေ ကဗျာတွေဟာ တိုင်းပြည်အတွက် များစွာကျေးဇူးပြုနေပါတယ်။
ကကက
တိုင်းပြည်မှာ စစ်အာဏာရှင်တွေ တန်ခိုးထွားလို့ ပျက်စီးသွားချိန်မှာ ဖြစ်ပေါ်လာတဲ့အရေးအခင်းတိုင်းမှာ ပြည် သူဖက်၊ ကျောင်းသားဖက်က မားမားမတ်မတ် ရပ်တည်ခဲ့တဲ့ ဆရာပါ။ အမျိုးသားရေး တော်လှန်ရေးအတွက် ဆရာရေးစပ်ခဲ့တဲ့ ကဗျာတွေထဲမှာ စာစောင်တခုက ပြန်လည်တင်ပြထားတဲ့ “အမေ့သား စကားတိုးတိုးပြောလှ ည့်ပါ” ကဗျာရဲ့ လွှမ်းမိုးမှုက ကျနော့်ရင်မှာ ခံစားမှုလှိုင်းခတ်နေဆဲပင်ဖြစ်ပါတယ်။
ကကက
မနှစ်တုန်းက ဖြစ်ခဲ့တဲ့ သံဃာတော်များ အရေးအခင်းမှာ အကယ်၍ ဆရာသာ သက်ရှိထင်ရှား ရှိနေအုံးမယ်ဆို ရင် ဘီဘီစီ၊ ဗီအိုအေ၊ အာအက်ဖ်အေ၊ ဒီဗီဘီစတဲ့ သတင်းဌာနဆီက ဆရာ့အသံက ရှေ့ဆုံးက ထွက်လာမှာအ မှန်ဖြစ်ပါတယ်။ ထို့အတူ အားကောင်းတဲ့ ဆရာ့ကဗျာတွေက လေလှိုင်းကြားမှာ သံဃာတော်များဘက်က သာ သနာတော်ဘက်က ရပ်တည်ဖို့ ပေါ်ထွက်လာမှာဖြစ်ပါတယ်။ ဆရာက တောသား၊ ဘုန်းကြီးကျောင်းသားတဦး ဖြစ်လို့ ဘာသာ သာသနာ ယဉ်ကျေးမှု ကျေးလက်စတာတွေနဲ့ ပတ်သက်လာရင် ဆရာ့စာတွေက အတွင်းကျ ကျ လေးလေးနက်နက် ထိထိရောက်ရောက် အမြဲတမ်းကိုယ်စားပြုနေပါတယ်။
ကကက
မြန်မာနိုင်ငံ ဒီမိုကရေစီမရမီ လမ်းခုလတ်မှာ ဆရာကြီး ဦးတင်မိုး ကွယ်လွန်ခဲ့လို့ ကျနော်တို့တွေ ဒီမိုကရေစီဘ က်တော်သားများဘက်က အားကိုးအားထားပြုရာ ရွှေတောင်ကြီး ပြိုလဲသွားသလို ဖြစ်ရပါတယ်။ အသက် ခုနစ် ဆယ်ကျော်ကျော်ဆိုတာ တကယ်တော့ သိပ်ကြီးသည်တော့ မဟုတ်သေးပါ။ နေလိုက နေနိုင်ပါသေးတယ်။ ဆ ရာကြီး ကွယ်လွန်သွားသော်လည်း ကျနော်တို့တွေ အားလုံးက မမေ့ကြပါ။
ကကက
မကြာမီ ရက်ပိုင်းက ကွယ်လွန်သွားသူမှာ ဆရာကြီး ကြေးမုံးဦးသောင်းဖြစ်ပါတယ်။ ဆရာ့စာတွေ ဖတ်ပြီး ဆရာ့ ကိုသိတာ ကြာပါပြီ။ လူချင်းတော့ တခါဖူးမျှ မမြင်ဖူးပါ။ ကံကောင်းချင်တော့ အယ်လ်အေမှာ ဆရာကြီးဦးတင်မိုး နဲ့ ဆရာကြီးဦးသောင်းတို့ စာပေဟောပြောပွဲ လုပ်ခဲ့စဉ်က ဆုံခွင့်ရလိုက်ပါတယ်။ ဒီတုန်းက ဆရာကြီးဦးသောင်း က ဘီလူးတို့ရွာဆိုတဲ့ သူရေးတဲ့စာအုပ်ကို လက်မှတ်ထိုးပေးသွားပါတယ်။
ကကက
အဲသည်ညနေက ဆရာတင်မိုးက စတင်ဟောတယ်။ ပြီးတော့ ဆရာကြီးကြေးမုံဦးသောင်း ဟောပြောပါတယ်။ ဟောပြောချိန်ကို ပတ်ဝန်းကျင်အခြေအနေ၊ ရာသီဥတုအခြေအနေအရ သတ်မှတ်ထားသော်လည်း ဆောင်းရဲ့ ငွေနှင်းမှုန်မှုန်အောက်မှာ မြန်မာပြည်အကြောင်းအဖုံဖုံက တသုန်သုန်မို့ နားထောင်သူလူထုက အအေးဒဏ်ကို မမှုဘဲ မရပ်နားဖို့ ဆက်လက်တောင်းဆိုပါတယ်။ ညဥ့်နက်နက်မှ ဟောပြောချက်တွေ ပြီးသွားပါတယ်။ ဒါတော င်နားထောင်သူ အယ်လ်အေ ပရိသတ်က မကျေနပ်ချင်သေး၊ အားမရချင်သေးပါ။
ကကက
သတင်းအရာမှာတော့ ဆရာကြီးဦးသောင်းဟာ ဘုရင်လို့ပြောလို့ရပါတယ်။ သတင်းရဲ့မှန်ကန်မှု၊ သတင်းထူး ထွေကို သူများထက်ဦးအောင် ကြိုတင်ရမှု၊ စစ်အာဏာရှင်ကို အပြတ်တိုက်ခိုက်တဲ့ အမာစား ဆောင်းပါးတွေ ရေးသားတင်ပြမှု စသည် စသည်ဖြင့် ဆရာကြီးရဲ့ ထူးခြားမှုတွေက များစွာပါ။
ကကက
ဆရာကြီးငယ်စဉ်ဘ၀မှသည် မကွယ်လွန်မီအချိန်ပိုင်းအထိ ကလောင်ကိုင်သွားတဲ့ သတင်းစာဆရာတဦးဖြစ်ပါ တယ်။ စစ်အစိုးရဘက် ဒီမိုကရေစီဘက်ဆိုပြီး ဘယ်သူ့ကိုမျှ ဘက်မလိုက်ပါ။ ဒီမိုကရေစီ ဘက်တော်သားတွေ ဘက်က မှားနေတယ်ထင်ရင် ဆရာက ရေးတာပဲ။ အထူးသဖြင့်တော့ စစ်အာဏာရှင်တွေကို လမ်းကြောင်းမှန် ရောက်အောင် ကလောင်တချောင်းနဲ့ အမှားတွေကို ထောက်ပြရင်း တည့်မတ်ပေးသူ ၀ါရင့် သဘာရင့် သတင်း စာဆရာ သိက္ခာမြင့်မြင့်နဲ့ တသက်လုံး ရပ်တည်သွားတဲ့ ဆရာကြီးဖြစ်ပါတယ်။
ကကက
အကြောင်းအမျိုးမျိုးနဲု့ နိုင်ငံခြားတိုင်းပြည်တွေမှာ ရောက်လာခဲ့ကြတဲ့ စာရေးဆရာတွေထဲမှာ ဆရာကြီး ကြေးမုံ ဦးသောင်းဟာ စာအရေးနိုင်ဆုံး ဖြစ်ပါတယ်။ နိုင်ငံခြားက ထွက်တဲ့စာဆောင်တိုင်းမှာလိုလို ဆရာကြီးရဲ့စာတွေ ကို တွေ့မြင်ရမှာဖြစ်ပါတယ်။ နောင်ကို ဆရာ့စာတွေကို မဖတ်ရမှာ ၀မ်းနည်းသလို ဆရာကြီးကွယ်လွန်သွားတဲ့ အတွက်လည်း ၀မ်းနည်းမိပါတယ်ဗျာ။
ကကက
စဉ်းစားလိုက်တိုင်း ကျနော်တို့ဘက်က ဆရာကြီးတွေ လူတော်လူကောင်းတွေ ကွယ်လွန်သွားတာ အကြီးမားဆုံး သော တိုင်းပြည်အတွက် ဆုံးရှုံးမှုတရပ်ဖြစ်ပါတယ်။ တကယ်ဆိုရင် ဒီပုဂ္ဂိုလ်ကြီးတွေ အသက်ရှည်တာ ကျနော် တို့တိုင်းပြည်အတွက် အကျိုးရှိပါတယ်။ အခုတော့ဗျာ ... လူထုအမြင်ကပ်သူတွေ၊ လူထုကို နှိပ်စက်သတ်ဖြတ်သူ တွေက အသက်ရှည်နေတော့ တခါတရံ ကံတရားကို တရားမမျှတမှုနဲ့ အပြစ်မြင်ချင်လာတယ်။
ကကက
မင်းတို့အလှည့် ဘယ်တော့ လာမလဲလို့ မေးလိုက်ချင်သား ...
ကကက
ဒီတခါ မင်းတို့အလှည့်လို့ အသံကုန်ဟစ်ပြီး အော်လိုက်ချင်တော့တယ်။
ကကက
ကကကကကကကကကက ချစ်သူတို့ သက်တမ်းတိုလှ၏။
ကကကကကကကကကက မုန်းသူတို့ သက်တမ်းရှည်လှ၏။
ကကကကကကကကကက ကြေကွဲ၍ မဆုံးပါ ... ဟူ၍သာ
ကကက
ဆရာကြီး ဦးတင်မိုးရေးခဲ့တဲ့ ကဗျာလေးနဲ့သာ ကျနော့်မှာ ခံစားချက်ကို ဖြေရပါတော့တယ်။
ကကက
0 comments:
Post a Comment