ကြောက်နေကြမှန်း သိလို့ပါ

.
.
.
.

လူထုကို သွေးခွဲ
ကြိုးဆွဲရာ က နေရ
ကြောက်နေကြမှန်း သိလို့ပါ။

တဗိုလ်တက် တဗိုလ်ဆင်း
နိုင်ထက်စီးနင်းနဲ့ ဗိုလ်ကျ
မိုက်ကြေးခွဲကြတဲ့ သူတို့ဟာ
ကြောက်နေကြမှန်း သိလို့ပါ။

ရက်စက်ကြမ်းကြုတ်
တကယ် လုပ်ပြနေတာ
ကြောက်နေကြမှန်း သိလို့ပါ။

တိုင်းပြည်အမွန်ကို
သွန်လိုသွန် မှောက်လိုမှောက်
ကြောက်နေကြမှန်း သိလို့ပါ။

အဖန်ငါးရာ ငါးကမ္ဘာ ၀ဋ်ကျွေး
သေဘေးနဲ့ ခြောက်သမျှ
တုံးအောက်က ဖားပမာ
ကြောက်နေကြမှန်း သိလို့ပါ။

ကြောက်တာသိလို့ ခြောက်
ခြောက်ခံထိတော့ ပိုကြောက်
ဒူးထောက်လက်မြှောက်တဲ့ နှစ်တွေ
ကျန်ရစ်နေခဲ့ပါပကော။

အနာဂတ်ခရီး တလျှောက်မှာ
မကြောက်တရားတွေ မွေးလို့
သွေးသစ်ကြရအောင် ...

ကိုသက်
March 6, 2009