အလိုအပ်ဆုံးတရား

.
.

အလိုအပ်ဆုံးတရား

ဘာသာရေးမှာ
မှန်တာမှားတာ ငြင်းစရာမဟုတ်
ကောင်းတာလုပ်ဖို့ပဲ လိုတယ်။

မကောင်းတဲ့ လူစား
ဘာသာတရား ကောင်းပေမဲ့
သူတော်ကောင်း မဖြစ်
လူညစ်က လူညစ်ပါပဲ။

လူမျိုးရေးစိတ်ဓာတ်မှာလဲ
သူမြတ် ကိုယ်မြတ်သည်ထက်
အစွန်းမထွက်ဖို့ လိုတယ်။

အစွန်းရောက် စိတ်ကင်းလို့
လူသားချင်း စာနာ
လူသားဆန်စွာသော စိတ်ဓာတ်
တကယ် မြင့်မြတ်ပါတယ်။

အရာရာမှာ
တရားမျှတမှုကို အခြေခံ
လူသားဆန်တဲ့ နှလုံးသား
အလိုအပ်ဆုံး တရားပါ။

ကိုသက်
Feb 23, 2009

.

ကဗျာအတွက်မှတ်ချက်။ ။ “ဘာသာရေးမှာ မှန်တာမှားတာ ငြင်းစရာမဟုတ် ကောင်းတာလုပ်ဖို့ပဲလိုတယ်” ဆိုထားတာ ရှင်းနေပါတယ်ဗျာ။ သူ့ဘာသာမှန်တယ်။ ကိုယ့်ဘာသာမှန်တယ်နဲ့ မှန်တာမှားတာတွေ သိပ်သိပ် ငြင်းနေကြသူတွေအတွက် သင့်တင့်ကောင်းမြတ်တာကို လုပ်ဖို့သာ တကယ်လိုအပ်ကြောင်းဆိုလိုထားတာပါ။ တချို့တွေ ဘာသာရေးနဲ့ပတ်သက်ပြီး ဘုရားတည်ကျောင်းဆောက်တာတွေ တယ်လီဗေးရှင်းမှာ ခဏခဏ မြင်ရပြီး အခြားတဖက်မှာ အပြစ်မဲ့သူတွေကို နှိပ်စက်တာ၊ ဖမ်းဆီးတာ၊ သတ်ဖြတ်တာတွေ လုပ်နေပြန်တော့ ဒီလူ တွေ ဘယ်ဘာသာပဲကိုးကွယ်သည်ဖြစ်ပါစေ လူညစ်က လူညစ်ပဲ။ သူတော်ကောင်းတော့ မဖြစ်ဘူး။ မလေးစား သင့်ဘူးလို့ ဆိုလိုတာပါဗျာ။ ဘာသာထက် ကောင်းတာလုပ်ဖို့လူကောင်းဖို့ပဲလိုပါတယ် ဆိုလိုတာပါ။

.

လူပေါင်းများစွာနဲ့ဖွဲ့စည်းထားတဲ့ ကျနော်တို့တိုင်းပြည်မှာလဲ သူ့လူမျိုးက ကောင်းတယ်၊ မြတ်တယ်။ ကိုယ့်လူမျိုး က ဘာဖြစ်တယ် စတာတွေ ပြောနေမယ့်အစား နှလုံးသားဖြူဖို့ လူသားဆန်ဖို့ကိုလည်း ရည်ညွန်းထားပါသေးတ ယ်။ ရှင်းနေပြီးသားကို ကိုယ်လိုတဲ့ပုံစံအနေအထား အယူအဆတခုဆီ ဆွဲယူဝေဖန်ရင် မရှင်းမရှင်းဖြစ်တတ်လို့ ကဗျာဆရာကိုယ်တိုင် ထပ်ရှင်းရခြင်းဖြစ်ပါတယ်ဗျား ....

.

ကျေးဇူးတင်ပါတယ်။

.

နောင်မှာလဲ ဝေဖန်ချက်တွေ ရေးပါအုံးဟူ၍ ...